საქართველოს გენდერული თანასწორობის მუდმივმოქმედი საპარლამენტო საბჭოს წევრების ინიციატივით (2019 წელი) და USAID/PROLoG-ის მხარდაჭერით, განხორციელდა საკანონმდებლო ცვლილებები სამუშაო ადგილზე და საჯარო სივრცეში სექსუალური შევიწროების პრევენციის მიზნით. ცვლილებების თანახმად, დამსაქმებელი ვალდებული გახდა მიიღოს ზომები დაწესებულებაში დასაქმებულ პირთა მიმართ თანაბარი მოპყრობის უზრუნველსაყოფად, მათ შორის, დისკრიმინაციის ამკრძალავი დებულებები ასახოს დაწესებულების შინაგანაწესსა და სხვა დოკუმენტებში, და უზრუნველყოს მათი შესრულება.

კანონის მოთხოვნის ეფექტური აღსრულების ხელშეწყობის მიზნით, USAID/PROLoG-მა, საერთაშორისო და ადგილობრივი ექსპერტების ჩართულობით, შეიმუშავა სექსუალური შევიწროების პრევენციის და აღმოფხვრის მექანიზმი, რომელიც უზრუნველყოფს სამუშაო ადგილზე თანაბარი მოპყრობისა და დისკრიმინაციისგან თავისუფალი გარემოს შექმნას.

USAID სამართლის უზენაესობის პროგრამა გთავაზობთ, უფასოდ გადმოტვირთოთ შემუშავებული მექანიზმი და საჩივრის ფორმა, და მოარგოთ თქვენი ორგანიზაციის შინაგანაწესს, რაც დაგეხმარებათ სამუშაო ადგილზე სექსუალური შევიწროების პრევენციასა და აღმოფხვრაში.