USAID სამართლის უზენაესობის პროგრამის მხარდაჭერით, ილიას სახელმწიფო უნივერსიტეტის ადამიანის უფლებათა და სტრატეგიული სამართალწარმოების კლინიკამ ორგანიზება გაუწია კოლოკვიუმს სადაც დისკუსია მოეწყო იმ საქმეებზე რომლებზეც კლინიკების სტუდენტები მუშაობდნენ სასწავლო სემესტრის განმავლობაში. ღონისძიებას 19 სტუდენტი და პროფესიონალი დაესწრო.
სტუდენტებმა სრულყოფილად მიმოიხილეს 13 საქმე, რომელზეც ისინი მუშაობდნენ სემესტრის განმავლობაში. საქმეები მოიცავდა ადამიანის უფლებათა საკითხების ფართო სპექტრს, მათ შორის სმენადაქვეითებულთა უფლებებს, სექსუალურ შევიწროებას, კონსტიტუციურ სარჩელებს, გენდერულ ძალადობას და განათლებაზე ხელმისაწვდომობას. თითოეულ საქმეს ქონდა თავისი გამოწვევები და სირთულეები, რაც საშუალებას აძლევდა სტუდენტებს გადაეტანათ თეორიული ცოდნა პრაქტიკაში.
კოლოკვიუმის მსვლელობისას, USAID სამართლის უზენაესობის პროგრამის მოწვეულმა, ნორთვესტერნ უნივერსიტეტის სამართლის სკოლის (აშშ) პროფესორმა ბრიჯიტ არიმონდმა, ღირებული შეფასებები მისცა სტუდენტებს. მისმა გამოცდილებამ და ხელმძღვანელობამ მნიშვნელოვანი როლი ითამაშა სტუდენტების მიერ საქმეების უკეთ გაგებასა და ადამიანის უფლებების ადვოკატირებისადმი მათი მიდგომის სწორედ ჩამოყალიბებაში.
შეხვედრის დასასრულს სტუდენტებმა და პროფესორებმა გააზიარეს თავიანთი შთაბეჭდილებები და გამოცდილება კლინიკურ კურსებთან დაკავშირებით. სტრატეგიული სამართალწარმოების ინიციატივების კლინიკური კურსის ხელმძღვანელმა თამარ კორძაიამ გამოთქვა მოსაზრება, რომ ორივე სემესტრში კლინიკური კურსის შეთავაზება მეტად მომგებიანი იქნება. მან ხაზი გაუსვა კურსებს შორის ხანგრძლივი შესვენების საკითხს, რაც პრობლემას უქმნის სტუდენტების უწყვეტ სწავლას და ჩართულობას.
სტუდენტებმა გამოხატეს მადლიერება ადამიანის უფლებათა კლინიკური კურსის მიმართ და ხაზი გაუსვეს მის ფასდაუდებელ როლს თეორიასა და პრაქტიკას შორის უფსკრულის გადალახვაში. წყვილებში მუშაობა მოსწავლეებისთვის ნაყოფიერი სტრატეგია იყო, რაც მათ საშუალებას აძლევდა გადაენაწილებინათ სამუშაო დატვირთვა და ჩართულიყვნენ დისკუსიებში, რის შედეგადაც დაიდო გაუმჯობესებული სტრატეგიები და წერილობითი მასალები. ამ თანამშრომლობითმა მიდგომამ ასევე გაზარდა მათი პროდუქტიულობა და გააჩინა მეგობრობისა და მხარდაჭერის გრძნობა სტუდენტებში.
თუმცა, სტუდენტებმა ასევე გააცნობიერეს თავიანთი სრულ განაკვეთზე სამუშაოს და სწავლის მოთხოვნების ერთმანეთთან შეთავსების სურთულე და ასევე რთულად მიიჩნიეს ყოველკვირეული უკუგების საკითხი. მათ შესთავაზეს ალტერნატიული უკუკავშირის მოდელების შესწავლა, როგორიცაა გამოხმაურების ყოველთვიური მიღება ან როტაციის სისტემის ჩამოყალიბება, სადაც წყვილები რიგრიგობით აგზავნიან უკუკავშირს.
კლინიკის პერსონალის ჩართულობას სტუდენტები ძალიან აფასებენ, რადგან მათმა და მხარდაჭერამ გადამწყვეტი როლი ითამაშა სტუდენტების მუშაობის მიზნებზე ორიენტირებულობის შენარჩუნებაში. თუმცა, სტუდენტები თვლიდნენ, რომ კურსის ხანგრძლივობა არასაკმარისია ადამიანის უფლებათა საკითხების სირთულის სრულად გასაცნობად. ზოგიერთმა სტუდენტმა შესთავაზა კურსის გახანგრძლივება ორ სემესტრით, რათა შესაძლებელი ყოფილიყო საგნის უფრო ყოვლისმომცველი შესწავლა და უფრო ღრმა გაგება.
პროფესორმა არიმონდმა შეაქო სტუდენტების თავდადება და შრომისმოყვარეობა, ხაზი გაუსვა უწყვეტი უკუგების მნიშვნელობას და კურსის უფრო ხანგრძლივობას. მან ხაზი გაუსვა იმას რომ კურსის გახანგრძლივება კიდევ უფრო მეტ შედეგს გამოიღებდა და მისცემდა სტუდენტებს შესაძლებლობას ადამიანის უფლებების უფრო კომპეტენტური დამცველები გამხდარიყვნენ.
კოლოკვიუმი იმის დამადასტურებელი ღონისძიება იყო, რომ სტუდენტები არიან სამართლიანობისა და სამართლიანი საზოგადოების განვითარების ერთგულები. რეალურ სამყაროში არსებულ საქმეებში ჩაღრმავებით და შინაარსიანი დისკუსიებით, ამ მომავალმა უფლებადამცველებმა მიიღეს ღირებული პრაქტიკული გამოცდილება და შეიმუშავეს ადამიანის უფლებათა სფეროში არსებული სირთულეების უფრო ღრმა ცოდნა.