2023 წლის 17 თებერვალს, USAID სამართლის უზენაესობის პროგრამის მხარდაჭერით, იურიდიული დახმარების სამსახურის დირექტორის მოვალეობის შემსრულებელმა, დავით სიმონიამ და ქუთაისის ბიუროს თავმჯდომარემ, გელა სიორდიამ, ქუთაისის და ზესტაფონის ბიუროებიდან 17 ადვოკატთან და კონსულტანტთან შეხვედრა გამართეს. მონაწილეებმა ისაუბრეს იმერეთის რეგიონში ეფექტიანი და სწრაფი მართლმსაჯულების სისტემის თაობაზე.

შეხვედრის შედეგად, მონაწილეები შეთანხმდნენ, რომ შექიმნება სამი სამუშაო ჯგუფი, რომლის ფარგლებში ჩატარდება სიღრმისეული ანალიზი რეგიონში სასამართლო პრაქტიკის შესახებ და როგორ შეიძლება სამსახურმა იმუშაოს სასამართლოებთან პრაქტიკის გასაუმჯობესების საკითხებზე. ჯგუფის წევრები იქნებიან იურისტები და კონსულტანტები ქუთაისა და ზესტაფონის ბიუროებიდან.

პირველი სამუშაო ჯგუფი განიხილავს სწრაფი მართლმსაჯულების სისტემის უზრუნველსაყოფის გზებს საქმისწარმოების შეფერხებების თავიდან ასაცილებლად და იმერეთის სასამართლოებში დისტანციური სხდომების გაგრძელებას შეუწყობს ხელს.  მოგვიანებით, გაიმართება მოსამართლეებთან და სასამართლო წარმომადგენლებთან სამუშაო შეხვედრა. პრაქტიკოსები თვლიან, რომ ერთობლივი შეხვედრები სასარგებლო იქნება არსებული გამოწვევების შესახებ სასამართლო სისტემისთვის ინფორმაციის მიწოდებისთვის და სასამართლო სისტემაში პრობლემის გადასაჭრელად.

მეორე სამუშაო ჯგუფი განიხილავს ბავშვთა უფლებათა კოდექსის პრაქტიკაში დანერგვის საკითხებს. კერძოდ, ბავშვის მოსმენას და იურიდიულ წარმომადგენლობას, ქუთაისსა და თბილისის სააპელაციო სასამართლოების პრაქტიკას ბავშვების განცალკევების საკითხებზე. იურისტები თვლიან, რომ დისკუსია უნდა იყოს ორგანიზებული მოსამართლეთა მონაწილეობით რეგიონში სასამართლო პრაქტიკის გასაუმჯობესებლად.

მესამე სამუშაო ჯგუფი ეძღვნება მთარგმნელობითი სერვისების ხარისხის გაუმჯობესებას და უფლებამოსილი ექსპერტებისა და სპეციალისტების რეესტრის ჩამოყალიბებას, რომელიც დაეხმარება ადვოკატებს სასამართლოსთვის კარგად დასაბუთებული მტკიცებულებების მიწოდებაში.

მომდევნო თვეში გაიმართება სამი სამუშაო ჯგუფის შეხვედრა, რათა მოხდეს არსებული პრობლემების ასახვა და სასამართლო წარმომადგენლებისთვის წინადადებების მომზადება.