2024 წლის 29 იანვარს ნიუ ვიჟენ უნივერსიტეტმა აკაკი წერეთლის სახელმწიფო უნივერსიტეტთან თანამშრომლობით ქუთაისში უმასპინძლა იმიტირებული სასამართლო პროცესების და მედიაციის ზეპირ რაუნდებს, შრომის სამართალში რეგიონული უნივერსიტეტების იურიდიული ფაკულტეტების სტუდენტების პრაქტიკული უნარების გაუმჯობესების მიზნით.

USAID სამართლის უზენაესობის პროგრამის მიერ მხარდაჭერილი აღნიშნული ინიციატივა მნიშვნელოვანი ნაბიჯი იყო ექსპერიმენტული სწავლის შესაძლებლობების ხელშეწყობისკენ.

იმიტირებულ სასამართლო პროცესებში მონაწილეობა შეეძლოთ რეგიონული უნივერსიტეტების ბაკალავრიატისა და მაგისტრატურის სამართლის სკოლის სტუდენტებს. პროექტი სამ თვეს გაგრძელდა, რომლის განმავლობაშიც მონაწილე გუნდებმა სამართლებრივი მართლწერის ყოვლისმომცველი ტრენინგი გაიარეს.  მათი სწავლება მოიცავდა კაზუსებზე მემოს შედგენას და ტრენერებისგან გზადაგზა სტუდენტების სამუშაოსთვის სწორი მიმართულების მიცემასა და უკუკავშირს.

საბოლოო ჯამში, ოთხმა გუნდმა (კაკი წერეთლის სახელმწიფო უნივერსიტეტის 2 გუნდი და ბათუმის შოთა რუსთაველის სახელმწიფო უნივერსიტეტის 2 გუნდი) მიიღო მონაწილეობა იმიტირებულ სასამართლო პროცესებში, სადაც სტუდენტებმა ტრენინგების მანძილზე შეძენილი სასამართლო პროცესებისათვისა და მედიაციისთვის საჭირო უნარ-ჩვევები წარმოაჩინეს.

იმიტირებული სასამართლო პროცესის განმავლობაში, ექსპერტ-მოსამართლეები, რომლებიც დაკომპლექტებულნი იყვნენ პრაქტიკოსი ადვოკატებისგან, ფასდაუდებელ უკუკავშირს აწვდიდნენ მონაწილე გუნდებს. მათი გამოცდილება და რჩევები სწავლების პროცესის გამდიდრებას და სტუდენტების სასამართლო პროცესებისა და მედიაციის საქმეებისათვის საჭირო ტექნიკის დახვეწას ემსახურებოდა. იმიტირებული სასამართლო პროცესებისა და მედიაციის სესიების დასრულების შემდეგ, საუკეთესო გუნდები შეირჩნენ  და სერტიფიკატებით, სახელმძღვანელოებითა და ბრენდირებული საჩუქრებით დაჯილდოვდნენ.

სტუდენტებმა პროექტს მადლობა გადაუხადეს პროექტში მონაწილებისთვის. თიკო თინიკაშვილმა ხაზი გაუსვა პროექტის როლს, იმიტირებულ სასამართლო პროცესებსა და მედიაციაში მიღებული პრაქტიკული გამოცდილების მნიშვნელობას მისი პროფესიული განვითარების ფორმირებაში. ანალოგიურად, ლალი კიკნაველიძემაც აღნიშნა პროექტის წვლილი იურიდიული პროფესიის გაღრმავებაში და პროექტის ერთ-ერთ მთავარ მიღწევად დავის გადაწყვეტის ალტერნატიული მექანიზმების, როგორიცაა მედიაცია, სწავლება დაასახელა.