2023 წლის 21 ნოემბერს, USAID სამართლის უზენაესობის პროგრამამ გამართა ლექცია საზოგადოებაზე ორიენტირებული მართლმსაჯულებისა (PCJ) და სასამართლოსთან საზოგადოების ჩართულობის შესახებ, რომელსაც ესწრებოდა გრიგოლ რობაქიძის უნივერსიტეტის ბათუმის ფილიალის 35 სტუდენტი და აკადემიური პერსონალის წარმომადგენელი.

ღონისძიება გრიგოლ რობაქიძის სახელობის უნივერსიტეტის ბათუმის ფილიალის წარმომადგენელმა ამირან მესხიშვილმა გახსნა. ლექცია USAID სამართლის უზენაესობის პროგრამის მრჩეველმა საზოგადოებრივი ჩართულობის საკითხებში დოქტორმა თიმ ბუნიევაცმა წაიკითხა. მან გაიზიარა სასამართლოსა და საზოგადოებას შორის ჩართულობის გლობალური პრაქტიკა და მონაწილეებს გააცნო PCJ-ის პრინციპები. მან განიხილა სასამართლოსთან ჩართულობის ინიციატივების წარმატებული მაგალითები, რომლებიც ხელს უწყობს სასამართლო სისტემის მიმართ საზოგადოების ნდობის გაზრდას.

დოქტორი ბუნიევაცი ჩაუღრმავდა PCJ-ის კონცეფციას, განიხილა შესაბამისი თეორიები და დიზაინის მიდგომები, ასევე, სასამართლოს სხვადასხვა თემთან ჩართულობის  გაღრმავების სტრატეგიები.

მან გამოიკვლია განსხვავება ტრადიციულ და პრობლემის გადამჭრელ სასამართლოებს შორის და მიმოიხილა სასამართლოებში საზოგადოებაზე ორიენტირებული დიზაინის ხუთი ქვაკუთხედი, სასამართლოსა და საზოგადოებას შორის ჩართულობის გაფართოების პოტენციური გზები სასამართლოს საზღვრებს მიღმა, საზოგადოებრივი გამოკითხვის მაგალითები, სასამართლო-საზოგადოებრივი საკონსულტაციო საბჭოების როლები და ფუნქციები, ასევე, სხვადასხვა გარე დაინტერესებული მხარეების ჩართვის შესაძლებლობები სასამართლოსა და საზოგადოებას შორის ჩართულობის მხარდასაჭერად.