USAID სამართლის უზენაესობის პროგრამა აგრძელებს  საჯარო ლექციების სერიას ბათუმის შოთა რუსთაველის სახელმწიფო უნივერსიტეტის სამართლის ფაკულტეტის სტუდენტებისთვის.

2023 წლის 10 აპრილს სამართლის სტუდენტებს შესაძლებლობა ჰქონდათ შეხვედროდნენ საქართველოს საკონსტიტუციო სასამართლოს წევრს თეიმურაზ ტუღუშს, რომელმაც ისაუბრა თემაზე - კონსტიტუციური კონტროლის სისტემა საქართველოში და საკონსტიტუციო სამართალწარმოების მნიშვნელოვანი ასპექტები.

თეიმურაზ ტუღუშმა თავის პრეზენტაციაში ყურადღება გაამახვილა საკონსტიტუციო სასამართლოს ინსტიტუციურ მახასიათებლებზე და სასამართლოს როლზე მოქალაქეების  ძირითადი უფლებების და თავისუფლებების დაცვის  პროცესში. მან ასევე ისაუბრა საკონსტიტუციო სასამართლოს  რამდენიმე მნიშვნელოვან გადაწყვეტილებაზე, სადაც სასამართლომ თანასწორობის უფლების და გამოხატვის თავისუფლების დაცვის მკაცრი კონსტიტუციური მოთხოვნები დაადგინა. საუბარი შეეხო საკონსტიტუციო სასამართლოს გადაწყვეტილების ეფექტს  სამართლის სხვადასხვა დარგებში.

შეხვედრაზე სტუდენტებს ჰქონდათ საშუალება დაესვათ შეკითხვები და მონაწილეობა მიეღოთ დისკუსიაში. ღონისძიება სამართლის უზენაესობის პროგრამის ბათუმის ჰაბის ფარგლებში მოეწყო, რათა ხელი შეუწყოს  მართლმსაჯულების ინსტიტუტების წარმომადგენლებს და სტუდენტებს შორის საინფორმაციო შეხვედრებს სამართლის აქტუალურ საკითხებზე.