იმერეთის რეგიონში აკადემიური პერსონალის, სამოქალაქო საზოგადოებისა და სასამართლოების შესაძლებლობების გაძლიერება გახდა USAID სამართლის უზენაესობის პროგრამის ერთ-ერთი პრიორიტეტი, ქუთაისში სამართლის უზენაესობის ჰაბის შექმნის შემდეგ.

2023 წლის 10 აპრილს, პროგრამამ ჩაატარა ლექცია საზოგადოებაზე ორიენტირებულ მართლმსაჯულებაზე (PCJ) და სასამართლო-საზოგადოების ჩართულობაზე, რომელსაც ესწრებოდა ქუთაისის აკაკი წერეთლის სახელმწიფო უნივერსიტეტის ორმოცამდე სტუდენტი და აკადემიური პერსონალი.

სესიას უძღვებოდა დოქტორი ტიმ ბუნიევაცი, USAID სამართლის უზენაესობის პროგრამის საზოგადოებრივი ჩართულობის მრჩეველი, რომელმაც წარმოადგინა სასამართლო-საზოგადოების ჩართულობის პრაქტიკა მთელი მსოფლიოდან და გააცნო PCJ-ის ცნებები და თეორია.

მონაწილეები გაეცნენ სასამართლოს თანამშრომლობის წარმატებულ მაგალითებს, რომლებიც შექმნილია სასამართლოების მიმართ საზოგადოების ნდობის გაზრდის მიზნით.

ლექციის დროს, დოქტორმა ბუნიევაცმა განმარტა PCJ-ის კონცეფცია, მათ შორის შესაბამისი თეორია და დიზაინის მიდგომები და განიხილა სასამართლოების ჩართულობის გაზრდის სტრატეგიები სხვადასხვა სასამართლოებსა და საზოგადოებებს შორის.

სესია მოიცავდა ტრადიციულ და პრობლემის გადამჭრელ სასამართლოებს შორის არსებული განსხვავებების შესწავლას, სასამართლოებში ადამიანზე ორიენტირებული დიზაინის ხუთ ქვაკუთხედს, სასამართლოს მიღმა სასამართლოსა და საზოგადოების ჩართულობის გაფართოების შესაძლო სფეროებს, სასამართლო-საზოგადოების გამოკითხვის მაგალითებს,  სასამართლო-საზოგადოების საკონსულტაციო საბჭოების როლს და ფუნქციებს და სასამართლო-საზოგადოების ჩართულობის მხარდასაჭერად გარე დაინტერესებული მხარეების ჩართვის შესაძლებლობას.

მონაწილეებმა ინტერესი გამოხატეს, მომავალშიც დაესწრონ პროგრამის მიერ ორგანიზებულ მსგავს საჯარო ლექციებს.