2023 წლის 31 ოქტომბრიდან - 2 ნოემბრის ჩათვლით იურიდიული დახმარების სამსახურმა, USAID სამართლის უზენაესობის პროგრამის ბათუმის სამართლის უზენაესობის ჰაბის მხარდაჭერით, მესტიის მუნიციპალიტეტის მოსახლეობას და ადგილობრივი ვითმმართველობის წარმომადგენლებს წარუდგინა პარალეგალების ინიციატივა ,,ვაქციოთ კანონი ყველასთვის ხელმისაწვდომი”.

31 ოქტომბერს, ბათუმის სამართლის უზენაესობის ჰაბის სტუდენტმა-პარალეგალმა 20-ზე მეტ ადგილობრივ მცხოვრებთან განიხილეს საკითხები, რომლებიც დაკავშირებულია მემკვიდრეობის უფლებებთან, შრომის კანონმდებლობასთანა და შეზღუდული შესაძლებლობის მქონე პირთა უფლებებთან. მათ მესტიის მკვიდრებს ასევე გაუზიარეს ინფორმაცია იურიდიული დახმარების სამსახურის მიერ გაწეული მომსახურებისა და მასთან დაკავშირებული საკანონმდებლო ვალდებულებების შესახებ. შეხვედრის დასასრულს სტუდენტმა-პარალეგალებმა მესტიის მცხოვრებლების შეკითხვებს უპასუხეს. თემის წევრებმა განაცხადეს, რომ მართლმსაჯულების ხელმისაწვდომობა მნიშვნელოვანი გამოწვევაა და აღნიშნეს, რომ პრობლემას წარმოადგენს რეგიონში მაგისტრატი მოსამართლის არარსებობა.

 ამავე დღეს, მესტიის მაგისტრატ სასამართლოში ჩატარდა იმიტირებული სასამართლო პროცესი (მას მესტიის  სკოლის 25 მოსწავლე და მასწავლებელი ესწრებოდა), რომელიც ეხებოდა ბავშვის საუკეთესო ინტერესებს. ოპონენტი მხარეების როლი სტუდენტმა-პარალეგალებმა შეასრულეს, ხოლო მესტიის საჯარო სკოლების მოსწავლეებმა ნაფიც მსაჯულთა როლი მოირგეს, მოსამართლის იმიტირებულ პოზიციას იკავებდაა სახელმწიფოს ბალანსზე არსებული იურიდიული დახმარების სამსახურის - დირექტორის მოადგილე ლევან გვენეტაძე.

სკოლის მოსწავლეებს სიტყვით მიმართეს იურიდიული დახმარების სამსახურის დირექტორმა დავით სიმონიამ და USAID სამართლის უზენაესობის პროგრამის სამართლის უზენაესობის რეგიონულმა მრჩეველმა ირინა ლორთქიფანიძემ, მიმართვისას ხაზი გაესვა მართლმსაჯულების ხელმისაწვდომობის მნიშვნელობას, ახალგაზრდებში სამართლებრივი ცნობიერების ამაღლებასა და მათ სამოქალაქო პასუხისმგებლობებს. ასევე ყურადღება გამახვილდა მსგავს ღონისძიებებში მონაწილეობაზე, რომელიც გააძლიერებს მართლმსაჯულების სისტემას. იმიტირებული სასამართლო პროცესის შემდეგ, მოსწავლეებმა დასვეს კითხვები და საბოლოოდ მწვავე დებატების შემდეგ მიიღეს გადაწყვეტილება.

1 ნოემბერს მესტიის მუნიციპალიტეტის სოფელ ბეჩოს საჯარო სკოლაში მორიგი შეხვედრა გაიმართა. შეხვედრაზე 28 სკოლის მოსწავლე და მასწავლებელი გაეცნო LAS-ის სერვისებს და ბავშვთა უფლებების დაცვაში მათ მისიას. მონაწილეებმა ასევე მიიღეს ინფორმაცია მობილური აპლიკაციის შესახებ, რომლის მეშვეობითაც მათ შეეძლებათ ანონიმურად მიიღონ იურიდიული კონსულტაცია.

პარალეგალი სტუდენტები ჩაერთვნენ ბავშვებთან გამართულ დისკუსიაში, განიხილეს ისეთი თემები, როგორიცაა ბულინგი, ინკლუზიური განათლება და ბავშვთა უფლებები - ბავშვთა უფლებების კოდექსისა და კონვენციის მიხედვით. გარდა ამისა, შეხვედრის მონაწილეებს სხვადასხვა იურიდიულ საკითხებზე ბროშურები დაურიგდათ.