2024 წლის 25 დეკემბერს, სამცხე-ჯავახეთის რეგიონის 14 -მა  სტუდენტმა-პარალეგალმა მიიღო მონაწილეობა ტრენინგში, რომელიც გაიმართა იურიდიული დახმარების სამსახურისა (LAS) და USAID სამართლის უზენაესობის პროგრამის მიერ, შეხვედრა ეძღვნებოდა შეზღუდული შესაძლებლობების მქონე პირთა (შშმ პირების) უფლებებს.

ტრენინგი ჩაატარა ადამიანის უფლებათა ექსპერტმა ნინო ელბაქიძემ, რომელმაც განიხილა ძირითადი თემები, როგორიცაა შეზღუდული შესაძლებლობების სტატუსის განსაზღვრა, ეროვნული და საერთაშორისო სამართლებრივი ჩარჩოები და ამ უფლებების დაცვის მექანიზმები. დისკუსიები მოიცავდა ისეთ მნიშვნელოვან საკითხებს, როგორებიცაა ხელმისაწვდომობა, დამოუკიდებელად ცხოვრება, განათლება, მართლმსაჯულებაზე წვდომა და შრომითი უფლებები, რაც წარმოდგენილი იყო სიმულაციური საქმეების მაგალითებზე.

ქალბატონმა ელბაქიძემ მონაწილეებს ასევე გააცნო 2015 წელს საქართველოში განხორციელებული შრომისუუნარობის სამართლებრივი რეფორმა, რომელიც შშმ პირებს საშუალებას აძლევს მიიღონ დამოუკიდებელი გადაწყვეტილებები, საჭიროების შემთხვევაში მხარდაჭერის მიღებით, რაც ხელს უწყობს მათი ავტონომიურობისა და თვითგამორკვევის განვითარებას. მან ხაზი გაუსვა გაეროს შეზღუდული შესაძლებლობების მქონე პირთა უფლებების კონვენციის სტანდარტებთან შესაბამისობის მნიშვნელობას.

გარდა ამისა, ქალბატონმა ნინომ ჯგუფს ადგილობრივი დისკრიმინაციის შემთხვევების ანალზს უხელმძღვანელა, რამაც ცხადჰყო ის გამოწვევები, რომლებსაც შშმ პირები აწყდებიან თავიანთი უფლებების დაცვისა და სრულფასოვანი ცხოვრების მიღწევის პროცესში. ინტერაქტიული სავარჯიშოებისა და ჯგუფური დისკუსიების მეშვეობით, სტუდენტებმა განიხილეს რეალური ცხოვრების სცენარები, რამაც გამოიწვია საინტერესო საუბრები და ჯგუფური პრეზენტაციები, რომლებშიც აისახა ექსპერტის მიერ გაზიარებული კონცეფციები.