USAID სამართლის უზენაესობის პროგრამა აცხადებს კონკურსს ინოვაციური მართლმსაჯულების სკოლის მონაწილეთა შესარჩევად.

ამ ინიციატივაში მონაწილეობის მიღება შეუძლიათ სხვადასხვა უნივერსიტეტის იურიდიული ფაკულტეტის ბაკალავრიატის (გარდა I და II სემესტრის სტუდენტებისა) საფეხურის სტუდენტებს.

სამუშაო ენაა ქართული და ინგლისური. მონაწილეს მოეთხოვება ინგლისური ენის კარგად ცოდნა.

სკოლა გაიმართება ქალაქგარეთ (კახეთში ან ბორჯომში) 2024 წლის 17-20 ოქტომბერს, რომელსაც გაუძღვებიან სამართლის ქართველი და უცხოელი ექსპერტები. სკოლაში მონაწილეობასთან დაკავშირებულ ყველა ხარჯს გაიღებს პროგრამა.

სკოლაში მონაწილეობის მისაღებად 2024 წლის 26 სექტემბრის ჩათვლით უნდა წარმოადგინოთ:

1. სამოტივაციო წერილი ინგლისურ ენაზე (300-დან 500 სიტყვამდე);
2. სათანადო წესით დამოწმებული ნიშნების ფურცელი;
3. ცნობა სტუდენტის სტატუსის შესახებ;
4. საკონტაქტო ინფორმაცია (ტელეფონის ნომერი და ელექტრონული ფოსტის მისამართი).

მონაწილეების შერჩევა მოხდება 2 ეტაპად:

1. მიღება და განაცხადების გადარჩევა;
2. გასაუბრება.

საკონკურსო განაცხადის მიღების პერიოდი: 26 სექტემბრის ჩათვლით.

კონკურსის შედეგად შეირჩევა 30 სტუდენტი ინოვაციური მართლმსაჯულების სკოლაში მონაწილეობის მისაღებად.

სკოლის მონაწილეებს გადაეცემათ სერტიფიკატები.

მონაწილეობის მსურველმა კანდიდატებმა გთხოვთ მოთხოვნილი დოკუმენტები გამოგზავნოთ შემდეგ მისამართზე: mgobronidze@ewmi.org