უნივერსიტეტი ხელს შეუწყობს ადამიანის უფლებებში სტუდენტთა თეორიული ცოდნისა და კვლევითი უნარების განვითარებას და ასევე გააძლიერებს პროფესორთა აკადემიურ და პროფესიულ შესაძლებლობებს. ამ მიზნით თბილისის თავისუფალი უნივერსიტეტი ჩაატარებს სხვადასხვა კვლევით აქტივობებს, კერძოდ, შეიქმნება ორი კვლევითი ნაშრომი თემებზე გამოხატვის თავისუფლება და პოლიტიკური პარტიების აკრძალვა და დაშლა. პროექტის ფარგლებში ასევე მომზადდება სასამართლო მეგობრის მოსაზრება ადამიანის უფლებათა ევროპული სასამართლოსა და საქართველოს საკონსტიტუციო სასამართლოსათვის.

 უნივერსიტეტი ასევე შეიტანს 1 სარჩელს საქართველოს საკონსტიტუციო სასამართლოში. ჩატარდება პრაქტიკული ღონისძიებები სტუდენტებისთვის, მათ შორის იმიტირებული სასამართლო პროცესები და საზაფხულო სკოლები. თავისუფალი უნივერსიტეტი ითანამშრომლებს ბათუმის შოთა რუსთაველის სახელობის და სამცხე-ჯავახეთის სახელმწიფო უნივერსიტეტებთან, რომელთა სტუდენტებსაც ექნებათ საშუალება მონაწილეობა მიიღონ სხვადასხვა აქტივობებში.

პროექტის დაფარვის არეალი: თბილისი, ბათუმი, ახალციხე.