აღნიშნული პროექტი, HoJ-ის წინა პროექტების მსგავსად, გააუმჯობესებს მოქმედი და მომავალი სამართლის პროფესიონალების პრაქტიკულ უნარებს საქართველოს სხვადასხვა რეგიონში, რაც ჯამში დაახლოებით 48 სამართლის სკოლის დამამთავრებელი კურსის სტუდენტსა და პრაქტიკოს იურისტს გააერთიანებს.

პროექტის ფარგლებში, HoJ განახორციელებს ორ სასწავლო პროგრამას, რომელიც ყურადღებას დაუთმობს იურისტების პროფესიული ეთიკისა და პრაქტიკული უნარების თემებს, კომუნიკაციის ხელოვნებას, ემოციურ ინტელექტს, სამოქალაქო/სისხლის სამართლის საქმეების მართვის პრაქტიკულ სავარჯიშოებს, დიპლომატიასა და მოლაპარაკების ხელოვნებას, პერსონალური მონაცემების დაცვასა და სასამართლო პროცესების მართვის დამოუკიდებელ საგამოძიებო მექანიზმებსა და უნარებს.