პროექტის უპირველესი მიზანია რეგიონულ უნივერსიტეტებში სტუდენტების ცოდნისა და უნარების გაუმჯობესება კაზუსებით სწავლების გაუმჯობესებით და პრაქტიკული სამართლის კურსების (Street Law) დანერგვის გზით. პროექტის ფარგლებში, აკაკი წერეთლის სახელმწიფო უნივერსიტეტი (ATSU) შეიმუშავებს ორ პრაქტიკულ გზამკვლევს - „საქმეების გადაწყვეტის გზები ბავშვთა უფლებების ჭრილში“ და „საკონტრაქტო დავების განხილვა“.

პროექტის მეორე მიმართულება მოიცავს პრაქტიკული სამართლის კურსის სილაბუსის შემუშავებას და მის ჩართვას ATSU-ის საბაკალავრო საფეხურის სასწავლო გეგმაში. პრაქტიკული სამართლის კურსის ფარგლებში სტუდენტები ჩაატარებენ 50 გაკვეთილს იმერეთის ხუთ საჯარო სკოლაში.