პროექტი მიზნად ისახავს ხელი შეუწყოს ადამიანის უფლებათა ეფექტიან განხორციელებას სამოსამართლო სამართლის და ხარისხიანი იურიდიული განათლების განვითარების გზით. პროექტი ხორციელდება ბათუმის შოთა რუსთაველის სახელმწიფო უნივერსიტეტთან (ბსუ) თანამშრომლობით, რომლის ფარგლებშიც თსუ შეიმუშავებს ორ კლინიკურ კურსს სამაგისტრო პროგრამისთვის და ასევე დაეხმარება ბსუ-ს სასამართლო პრაქტიკის განზოგადების კურსის დანერგვაში სამოქალაქო სამართლის მიმართულებით. პროექტი ასევე მოიცავს სასწავლო კურიკულუმის გადახედვასმ სასამართლო გადაწყვეტილებების კურსებში ინტეგრირებას და სამეცნიერო-სასამართლო ფორუმების ორგანიზებას თბილისსა და ბათუმში მოსამართლეთა და აკადემიის ჩართულობის გაძლიერების მიზნით.