პროექტის ფარგლებში თბილისის და ბათუმის საქალაქო და თბილისის სააპელაციო სასამართლოებში განხორციელდება დიდი ღირებულების სამოქალაქო დავების მონიტორინგი ანტიკორუფციული რეფორმის ადვოკატირებისთვის მტკიცებულებების შესაგროვებლად. TI - საქართველო შეისწავლის შემთხვევით და პროცესის მონაწილეთა მოთხოვნის საფუძველზე შერჩეულ საქმეებს. მონიტორინგი მოიცავს სხდომებზე დასწრებას, საჯარო ინფორმაციის გამოთხოვასა და სასამართლოს შუალედური და საბოლოო გადაწყვეტილებების ანალიზს. 

TI - საქართველო შეეცდება გამოავლინოს კომერციული დავების გადაწყვეტის მექანიზმის პოტენციური სისუსტეები, მათ შორის კორუფციის რისკები. ორგანიზაცია პროექტის დასკვნებსა და რეკომენდაციებს დაინტერესებულ ორგანიზაციებს, მათ შორის ბიზნესისა და პოლიტიკურ პარტიების წარმომადგენლებს გაუზიარებს.