სულ მალე, ბათუმი მორიგ საჯარო საუბრებს უმასპინძლებს, ამჯერად თემაზე: ადამიანი სისტემის წინააღმდეგ დისტოპიურ რომანებში.

შეხვედრას გაუძღვება მარიამ კორინთელი - ფილოლოგიის დოქტორი, რედაქტორი, გამომცემელი და ინტელექტუალური თამაშის რა? სად? როდის? ბროლის ბუს მფლობელი.

“მსოფლიო ლიტერატურა არაერთ შედევრს იცნობს, რომელიც ტოტალიტარულ მმართველობასა და მის წინააღმდეგ ერთი ადამიანის დაწყებულ ბრძოლაზე მოგვითხრობს. წიგნები გვამცნობს, რა ძალა აქვს მცირე ნაბიჯს და არა მხოლოდ პირად კეთილდღეობაზე, არამედ სხვათა უფლებებზე ზრუნვას ადამიანის უფლებების შემლახავ და უგულებელმყოფელ გარემოში.” - აღნიშნავს მარიამ კორინთელი. საზოგადოებასთან შეხვედრის დროს, სწორედ ამ კონტექსტში განიხილავს ის წიგნებს: “1984”, “მხევლის წიგნი”, “451 გრადუსი ფარენჰაიტით”.

ბათუმი: 12 ივლისი, 18:00 საათი, სასტუმრო რუმსი ბათუმში [გოგებაშვილის ქ. #10, ბათუმი]