დემოკრატიისა და მართლმსაჯულების საზაფხულო სკოლა აბიტურიენტებისა და სკოლის დამამთავრებელი კლასის მოსწავლეებისათვის
USAID სამართლის უზენაესობის პროგრამა აბიტურიენტებისა და სკოლის დამამთავრებელი კლასის მოსწავლეებისათვის აცხადებს საზაფხულო სკოლაში მონაწილეთა მიღებას.
ამ ინიციატივის მიზანია, ახალგაზრდების სამართლებრივი ცნობიერების ამაღლება და მათი ჩართვა დისკუსიებში ისეთ საკითხებზე როგორიცაა: სამართლის უზენაესობა, დემოკრატია, გამოხატვის თავისუფლება, საზოგადოებაზე ორიენტირებული მართლმსაჯულება და ადამიანის უფლებები.
მონაწილეებს საშუალება ექნებათ გაიგონ მეტი წარმომადგენლობითი დემოკრატიის, არჩევნების, სამოქალაქო ჩართულობის, მართლმსაჯულებაზე მისაწვდომობის და ევროინტეგრაციის შესახებ. ზემოაღნიშნული საკითხების შესახებ ახალგაზრდების ცნობიერების ამაღლება განსაკუთრებით აუცილებელია მოახლოებული საპარლამენტო არჩევნების კონტექსტში, რადგან ამ პროცესში მნიშვნელოვანია ახალი ამომრჩევლების ინფორმირებული სამოქალაქო ჩართულობა.
სკოლის ფარგლებში ახალგაზრდები მონაწილეობას მიიღებენ ჯგუფურ პრეზენტაციებში, დებატებსა და სხვა საინტერესო აქტივობებში.
საზაფხულო სკოლაში მონაწილეობის მიღება შეუძლიათ საქართველოს მასშტაბით, როგორც საჯარო, ისე კერძო სკოლების, დამამთავრებელი (XI და XII) კლასის მოსწავლეებსა და აბიტურიენტებს.
სკოლა ამა წლის 5 აგვისტო - 8 აგვისტოს პერიოდში გაიმართება.
დაინტერესებულმა პირებმა, გთხოვთ მოგვწეროთ შემდეგ მისამართზე: Info.rolp@ewmi.org
- სახელი/გვარი, თქვენი ასაკი და საკონტაქტო ნომერი;
- საგანმანათლებლო დაწესებულება (სკოლა და კლასი)
- სამოტივაციო წერილი ქართულ ენაზე, თუ რატომ გსურთ საზაფხულო სკოლაში მონაწილეობა (მაქსიმუმ 300 სიტყვა).
წერილის სათაურში აუცილებლად მიუთითეთ: საზაფხულო სკოლა
განაცხადის შემოტანის ბოლო ვადაა 2024 წლის 16 ივლისი.
საზაფხულო სკოლის დასრულების შემდეგ, მონაწილეებს გადაეცემათ სერტიფიკატები (ქართულ და ინგლისურ ენებზე).
მონაწილეთა ტრანსპორტირების, სასტუმროში განთავსებისა და კვების ხარჯები სრულად უზრუნველყოფილი იქნება ორგანიზატორების მიერ.
