კონკურსი სამცხე-ჯავახეთის რეგიონიდან სტუდენტების შესარჩევად
საქართველოს იურიდიული დახმარების სამსახური და USAID სამართლის უზენაესობის პროგრამა, პროექტს ვაქციოთ კანონი ყველასათვის ხელმისაწვდომი - პარალეგალების ინიციატივა 2023 წლიდან ახორციელებს.
ამ ინიციატივამ უკვე მოიცვა აჭარის და იმერეთის რეგიონები, და ამჯერად, კი ვაცხადებთ კონკურსს სამცხე-ჯავახეთის რეგიონიდან პროექტში მონაწილე, პარალეგალობის მსურველ სტუდენტთა შესარჩევად.
ინიციატივის მიზანია, საზოგადოების სამართლებრივი ცოდნის ამაღლება და მართლმსაჯულებაზე თითოეული ადამიანის ეფექტიანი და თანაბარი მისაწვდომობის ხელშეწყობა.
კონკურსში მონაწილეობა შეუძლია ნებისმიერ პირს, რომელიც აკმაყოფილებს შემდეგ მოთხოვნებს:
- სწავლობს ან ახალი კურსდამთავრებულია (2 წელი) სამცხე-ჯავახეთის რეგიონში მდებარე სახელმწიფო ან კერძო უმაღლეს სასწავლებელში;
- არის ჩამოთვლილთაგან ერთ-ერთი ფაკულტეტის, საბაკალავრო ან სამაგისტრო პროგრამის სტუდენტი: იურიდიული, საჯარო მმართველობა, სამართალმცოდნეობა ან ფსიქოლოგია.
პროექტი შედგება რამდენიმე ნაწილისგან და მოიცავს:
- დარგის წამყვანი სპეციალისტების მიერ სტუდენტი-პარალეგალების გადამზადება შემდეგ სამართლებრივ საკითხებზე: ბავშვთა და ქალთა უფლებები, ადამიანებით ვაჭრობა (ტრეფიკინგი), შეზღუდული შესაძლებლობის მქონე პირთა (შშმ) უფლებები, ადამიანის ძირითადი უფლებები და სხვა;
- ტრენინგების დასრულების შემდეგ მონაწილეები მოამზადებენ თემატურ პრეზენტაციებს;
- იურიდიული დახმარების სამსახურის ადვოკატებთან/კონსულტანტებთან ერთად, სტუდენტი - პარალეგალები მონაწილეობას მიიღებენ რეგიონში დაგეგმილ საჯარო შეხვედრებში, ადგილობრივ მოსახლეობას გააცნობენ მათ უფლებებს და სხვა მნიშვნელოვან სამართლებრივ საკითხებს.
- სტუდენტი-პარალეგალები მონაწილეობას მიიღებენ იმიტირებულ სასამართლო პროცესებში.
ტრენინგების და პროექტის დასრულების შემდეგ, სტუდენტი-პარალეგალები მიიღებენ მონაწილეობის დამადასტურებელ სერტიფიკატებს.
დაინტერესებულმა პირებმა 2024 წლის 10 ოქტომბრამდე, გთხოვთ მოგვწეროთ შემდეგ მისამართზე: info.rolp@ewmi.org
- სახელი / გვარი, ასაკი და საკონტაქტო ნომერი;
- CV და სამოტივაციო წერილი ქართულ ენაზე, თუ რატომ გსურთ ამ პროექტში მონაწილეობა (მაქსიმუმ 500 სიტყვა).
დამატებითი კითხვების შემთხვევაში დაგვიკავშირდეთ: ტელ: 593 56 91 56; ელ-ფოსტა: gkhmaladze@ewmi.org
არასრულად შევსებული განაცხადი არ განიხილება. შერჩეული კანდიდატები იქნებიან მოწვეული გასაუბრებაზე.
