USAID სამართლის უზენაესობის პროგრამა აცხადებს კონკურსს რეგიონული ჟურნალისტებისთვის იმერეთიდან, გურიიდან, სამეგრელო - ზემო სვანეთიდან და აჭარიდან.

კონკურსი წარმოადგენს პლატფორმას ჟურნალისტებისთვის და აძლევს მათ საშუალებას წარმოაჩინონ ადამიანის უფლებების და სამართლებრივი საკითხების გაშუქების დროს ანალიტიკური და ისტორიების საინტერესოდ გადმოცემის უნარი.

კონკურსში მონაწილეობა:

კონკურსი ღიაა ყველა ჟურნალისტისთვის იმერეთის, გურიის, სამეგრელო - ზემო სვანეთის და აჭარის სამაუწყებლო, ონლაინ და ბეჭდური მედიიდან.

საკონკურსო მოთხოვნები:

1. წარდგენილი ნამუშევარი უნდა იყოს გამოქვეყნებული ან ეთერში გასული 2023 წლის 1 ივლისიდან 2023 წლის 1 ნოემბრამდე პერიოდში;
2. საკონკურსო პროდუქტი უნდა ეხებოდეს ადამიანის უფლებებთან დაკავშირებულ საქმეებს;
3. კონკურსით დაინტერესებულ ჟურნალისტს, ერთზე მეტი ნამუშევრის წარდგენის უფლება აქვს.

საკონკურსო განაცხადების შეფასების პროცესი:

მედიის ექსპერტებისა და იურიდიული პროფესიის მქონე პირებისგან შემდგარი ჯგუფი შეაფასებს საკონკურსო ნაშრომებს შემდეგი კრიტერიუმების საფუძველზე:

1. ინფორმაციის სიზუსტე და სანდოობის უზრუნველყოფა ფაქტების და ციტატების გადამოწმებით, და ზუსტი იურიდიული ტერმინოლოგიის გამოყენებით.
2. სამართლიანობისა და მიუკერძოებლობის დემონსტრირება ყველა მხარისთვის არგუმენტების წარმოდგენის თანაბარი შესაძლებლობების მინიჭებით, საქმეში ჩართული ნებისმიერი მხარის მიმართ ფავორიტიზმისა და მიკერძოების თავიდან აცილების გზით.
3. საქმეში მონაწილე პირების, მათ შორის დაზარალებულის, მოწმეების და ბრალდებულების კონფიდენციალურობის და  ღირსების  პატივისცემა.
4. სამართალწარმოების  და უდანაშაულობის პრეზუმფციის პატივისცემის დაცვა, სასამართლო პროცესის ყველა ეტაპის, მათ შორის დაცვის მხარის არგუმენტებისა და ბრალდების მხარის  პოზიციის  დაბალანსებული გაშუქების უზრუნველყოფა.
5. გასაგები და ლაკონური ენის გამოყენება.
6. ანალიზის ან ამბის თხრობის დროს სტრუქტურირებული ნარატივის და ამბის გადმოცემის ქრონოლოგიური უზრნველყოფა, განსაკუთრებით სასამართლო პროცესის მოვლენების თანმიმდევრობის აღწერის დროს.
7. საზოგადოების აღქმადობის გაზრდის მიზნით  საილუსტრაციო მაგალითების ან ვიზუალური მასალების ჩართვა.
8. შესაბამისი შინაარსის და ძირითადი ინფორმაციის მიწოდება, რომელიც დაეხმარება აუდიტორიას გაითავისოს საქმის უფრო ფართო კონტექსტი.
9. სიუჟეტის გავლენისა და საზოგადოებრივი ინტერესის  გაანალიზება, რომელსაც   შეუძლია გაათვითცნობიეროს, გააძლიეროს და შთააგონოს ინდივიდები, რაც საბოლოოდ ხელს შეუწყობს  საზოგადოებრივი აზრის ჩამოყალიბებას  და გამოიწვევს  პოზიტიურ სოციალურ  ცვლილებებს.

კონკურსში მონაწილეობისთვის:

1. უნდა შეავსოთ მოცემული ფორმა.
2. არასრული განაცხადები არ განიხილება.

ქვემოთ მოცემულ კატეგორიებში გამარჯვებული მონაწილეები მიიღებენ 500 აშშ დოლარის (ექვივალენტი ლარში) ვაუჩერებს:

1. საუკეთესო სიუჟეტი ეთერში (ტელევიზია და რადიო) ან ონლაინ მედიაში;
2. საუკეთესო სტატია ბეჭდურ ან ონლაინ მედიაში;
3. სასამართლო საქმის ამსახველი საუკეთესო დოკუმენტური ფოტო.

კონკურსთან დაკავშირებული ინფორმაციისთვის ს გთხოვთ დაუკავშირდეთ:

1. მერი მახარაშვილი – კომუნიკაციების მრჩეველი - mmakharashvili@ewmi.org
2. ირინა ხახუტაიშვილი - სამართლის უზენაესობის რეგიონული ჰაბის იურისტი (ბათუმი) – ikhakhutaishvili@ewmi.org
3. ანა შალამბერიძე - სამართლის უზენაესობის რეგიონული ჰაბის იურისტი (ქუთაისი) – ashalamberidze@ewmi.org

ჩვენ მოუთმენლად ველით თქვენს მედია პროდუქტებს და სასამართლო პროცესის  გაშუქების საუკეთესო მაგალითებს!