შესარჩევი კონკურსი სტუდენტი-პარალეგალებისთვის აჭარის რეგიონიდან
USAID სამართლის უზენაესობის პროგრამა ბათუმის სამართლის უზენაესობის ჰაბის მეშვეობით და საქართველოს იურიდიული დახმარების სამსახურთან თანამშრომლობით აგრძელებს პროექტის - ვაქციოთ კანონი ყველასათვის ხელმისაწვდომი: პარალეგალების ინიციატივა - განხორციელებას.
ინიციატივის მიზანია საზოგადოების სამართლებრივი ცნობიერების ამაღლება და მართლმსაჯულებაზე თითოეული ადამიანის ეფექტური და თანაბარი ხელმისაწვდომობის გაძლიერება, რომელიც საჭიროა იმისათვის, რომ მოქალაქეებს მეტი ცოდნა და ინფორმაცია ჰქონდეთ საკუთარი უფლებების დაცვის შესაძლებლობებზე.
პროექტი შედგება რამდენიმე ნაწილისგან და მოიცავს შერჩეული სტუდენტების გადამზადებას დარგის წამყვანი სპეციალისტების მიერ ისეთ სამართლებრივ საკითხებზე როგორიცაა (საკითხების ჩამონათვალი შესაძლოა გაფართოვდეს):
- ბავშვთა უფლებები (მათ შორის მშობლებისგან განცალკევება: სახელმწიფო მზრუნველი/მეურვე)
- ქალთა უფლებები
- ადამიანებით ვაჭრობა (ტრეფიკინგი)
- შეზღუდული შესაძლებლობის მქონე პირთა (შშმ) უფლებები (სახელმწიფო სერვისები და მისი მიღების წესი)
- ადამიანის ძირითადი უფლებები
- რბილი უნარები - პრეზენტაცია, ეფექტური კომუნიკაცია, საკუთარი თავის წარდგენა
ტრენინგის დასრულების შემდეგ სტუდენტები გაეცნობიან მასალებს, მოამზადებენ თემატურ პრეზენტაციებს და მონაწილეობას მიიღებენ გასვლით შეხვედრებში, სადაც მოხდება იურიდიული დახმარების სამსახურის ბიუროს ადვოკატების ხელმძღვანელობით აჭარის რეგიონში კონსულტაციების გაცემა საზოგადოებისთვის მათთვის მნიშვნელოვან სამართლებრივ საკითხებზე (ტრენინგის თემატიკის მიხედვით).
პროექტში მონაწილეობის შესაძლებლობა აქვთ აჭარის საჯარო და კერძო უმაღლესი სასწავლო დაწესებულებების იურიდიული და სოციალური მეცნიერებების, საერთაშორისო სამართლის და ურთიერთობების, საჯარო მმართველობის, სამართალმცოდნეობის, ფსიქოლოგიის საბაკალავრო-სამაგისტრო საგანმანათლებლო პროგრამების სტუდენტებს. მონაწილეობა ასევე შეუძლიათ პროფესიული სასწავლებლების სტუდენტებს.
ტრენინგები განხორციელდება ბათუმში ოქტომბერი, 2023 - იანვარი, 2024 პერიოდში.
ტრენინგების დასრულების შემდეგ დაინტერესებული სტუდენტები მონაწილეობას მიიღებენ გასვლით ვიზიტებში და იმიტირებულ სასამართლო პროცესებში.
დაინტერესებულმა პირებმა დადგენილ ვადაში ქართულ ენაზე უნდა შეავსონ შემდეგი სააპლიკაციო ფორმა: https://forms.gle/t7BynP8y8hDqru7H6
შევსებული აპლიკაციის მიღების ბოლო ვადა: 2023 წლის, 22 ოქტომბერი.
არასრულად შევსებული აპლიკაცია არ განიხილება. შერჩეული კანდიდატები იქნებიან მოწვეული გასაუბრებაზე.
