ეკატერინე ლორთქიფანიძეს აქვს პროექტების მართვის ხანგრძლივი გამოცდილება კანონის უზენაესობის, ადამიანის უფლებათა დაცვის, სასამართლო რეფორმის, პროკურატურისა და ადვოკატთა ასოციაციის რეფორმების მიმართულებით. USAID სამართლის უზენაესობის პროგრამის წინამორბედის - კანონის უზენაესობის მხარდაჭერა საქართველოში (PROLoG) განხორციელებისას, ეკატერინეს საქმიანობა მიმართული იყო საქართველოს ადვოკატთა ასოციაციისა და სახელმწიფო იურიდიული დახმარების სამსახურის ინსტიტუციური განვითარებისა და შესაძლებლობების გაზრდისკენ. ის ასევე მუშაობდა რამდენიმე პროექტზე, რომლებიც საქართველოს მედიატორთა ასოციაციასთან და საქართველოს არბიტრთა ასოციაციასთან თანამშრომლობით ხორციელდებოდა. 

წარსულში ეკატერინე მუშაობდა ევროსაბჭოს საქართველოს ოფისსა და ნორვეგიის კანონის უზენაესობის მრჩეველთა მისიაში. 

იგი არის თბილისის სახელმწიფო უნივერსიტეტისა და საქართველოს საზოგადოებრივ საქმეთა ინსტიტუტის კურსდამთავრებული.