მარიამ გობრონიძეს, როგორც საჯარო, ისე სამოქალაქო სექტორში იურისტად მუშაობის რვა წლიანი გამოცდილება აქვს. მისი ინტერესის და ექსპერტიზის სფეროებია: სამართლის უზენაესობა და დემოკრატია; მართლმსაჯულებაზე ხელმისაწვდომობა; სასამართლოს, პოლიციის და უსაფრთხოების სამსახურების ინსტიტუციური მოწყობა. მას აქვს სამართლებრივი წერის, კვლევისა და ანალიტიკური დოკუმენტების მომზადებისათვის, ისევე როგორც პროექტის დანერგვისა და კოორდინირებისათვის საჭირო უნარ-ჩვევები.

ის ფლობს მაგისტრის ხარისხს შედარებით კონსტიტუციურ სამართალში ცენტრალური ევროპის უნივერსიტეტისგან (CEU, ბუდაპეშტი) და ამჟამად, არის თბილისის სახელმწიფო უნივერსიტეტის დოქტორანტი.