იუსტიციის უმაღლესი სკოლის ეგიდით ჩატარებული 2023 წლის მართლმსაჯულების ზამთრის სკოლის პირველი და მეორე ადგილის მფლობელები უკვე ცნობილია.

USAID სამართლის უზენაესობის პროგრამამ, ევროპის საბჭომ (CoE) და სამხრეთ კავკასიაში გაეროს ადამიანის უფლებათა უმაღლესი კომისრის ოფისმა (UN OHCHR) პირველი ადგილი თამარ წერეთელს, ხოლო მეორე ადგილი ხატია შეყილაძეს მიანიჭეს.

ორივე ეგრეთ წოდებული მოსამართლეთა ‘მწერალი’ თანაშემწეები არიან. თამარი თბილისის სააპელაციო სასამართლოში მუშაობს, ხატია კი საქართველოს უზენაეს სასამართლოში.

ჯილდოს სახით, ქალბატონი თამარი შეუერთდება საქართველოს სამოქალაქო და ადმინისტრაციული სამართლის მოსამართლეების სასწავლო ტურს აშშ-ში, ხოლო ხატია ეწვევა ადამიანის უფლებათა ევროპულ სასამართლოსა და ევროპის საბჭოს სტრასბურგში, რათა შეისწავლოს ადამიანის უფლებათა დაცვის მექანიზმები ევროპაში.

მართლმსაჯულების სკოლის გამარჯვებულები რამდენიმე წერითი დავალების, მათ შორის ტესტებისა და სამართლებრივი მემორანდუმის შედგენის საფუძველზე შეირჩნენ. 2023 წლის მართლმსაჯულების ზამთრის სკოლაში ჯამში ოცი მონაწილე მონაწილეობდა, ხოლო 25-მა 2022 წლის სკოლის მონაწილემ ასევე მიიღო სერტიფიკატები.

ეს არის მეექვსე მართლმსაჯულების სკოლა [2023 წლის 22-26 იანვარი], რომელიც მხარდაჭერილია USAID სამართლის უზენაესობის პროგრამის მიერ. ზამთრის სკოლაში მონაწილეობის შედეგად გაუმჯობესდა მონაწილეთა თეორიული ცოდნა და პრაქტიკული უნარ-ჩვევები. მონაწილეთა შორის იყვნენ სასამართლოს თანაშემწეები, სასამართლოს ანალიტიკური დეპარტამენტების წარმომადგენლები, სასამართლო სტაჟიორები და სამართლის სკოლის დამამთავრებელი კურსის სტუდენტები. თერთმეტი მოწვეული ექსპერტის/ტრენერის მიერ განხილული თემები მოიცავდა საქართველოს საკონსტიტუციო სასამართლოსა და ადამიანის უფლებათა ევროპული სასამართლოს უახლეს პრაქტიკას, ბავშვთა უფლებებს, დისკრიმინაციის აკრძალვის ეროვნულ და საერთაშორისო სტანდარტებს, გამოხატვის თავისუფლებას, ბიზნეს სამართალში არსებულ სიახლეებს და სამართლებრივ წერას.