ილიას სახელმწიფო უნივერსიტეტის სამართლის სკოლის ადამიანის უფლებათა კათედრამ, USAID სამართლის უზენაესობის პროგრამის მხარდაჭერით, ჩაატარა ჰიბრიდული ლექცია სახელწოდებით: 1+4 პროგრამა და განათლების პოლიტიკის სისტემური გამოწვევები.

მთავარი მომხსენებლები იყვნენ: ჩრდილო-დასავლეთის უნივერსიტეტის პრიცკერის სამართლის სკოლის პროფესორი ბრიჯიტ არიმონდი, რომელიც საქართველოში ჩამოვიდა USAID სამართლის უზენაესობის პროგრამის მხარდაჭერით; არასამთავრობო ორგანიზაცია „პლატფორმა სალამის“ თანადამფუძნებელი კამრან მამედლი და ილიას სახელმწიფო უნივერსიტეტის იურიდიული სკოლის სტუდენტი მანუჩარ ცეცხლწლაძე. ღონისძიებას ხელმძღვანელობდა ილიას ადამიანის უფლებათა კლინიკის კოორდინატორი და სამართლის პრაქტიკოსი, ანა აფციაური.

კამრან მამედლიმ ხაზგასმით აღნიშნა, რომ „საჭიროა ნარატიული ცვლილება ეთნიკური უმცირესობების პერსპექტივებისა და აზროვნების პროცესების გარდაქმნისთვის“. მანუჩარ ცეცხლაძემ კომენტარი გააკეთა სახელმწიფოს პოლიტიკაზე, ეთნიკური უმცირესობების მიმართ.
  
2022 წლის მაისში, ილიას სამართლის სკოლის ადამიანის უფლებათა კლინიკამ, „პლატფორმა სალამთან“ თანამშრომლობით და USAID სამართლის კანონის უზენაესობის პროგრამის მხარდაჭერით, გაეროს ადამიანის უფლებათა კომიტეტს წარუდგინა ანგარიში საქართველოს მიერ არადომინანტი ეთნიკური ჯგუფის, აზერბაიჯანული თემის უფლებების დარღვევის შესახებ. 14 ივლისის ღონისძიებაზე, პროფესორმა არიმონდმა ისაუბრა გაერთიანებული ერების ორგანიზაციისთვის წარდგენილი მოხსენების შინაარსზე.

„თუკი, ივლისის ბოლოს, ადამიანის უფლებათა კომიტეტი მიიღებს წერილობით დოკუმენტს, სადაც აკრიტიკებს საქართველოში ეთნიკური უმცირესობების მოპყრობას და მოუწოდებს საქართველოს, რომ ამის აღმოსაფხვრელად შეასრულოს მათი სამი, ოთხი ან ხუთი მითითება, რა თქმა უნდა, მათი ავტომატური აღსრულება ვერ მოხერხდება. თუმცა, ეს იქნება კიდევ ერთი პირდაპირი ზემოქმედება მთავრობაზე.“ განაცხადა პროფესორმა არიმონდმა.