ამერიკელმა მოსამართლემ პირველი ინსტანციის სასამართლოში მუშაობის 15 წლიანი გამოცდილებით- ჯოზეფ ბელიპანიმ, დაიწყო გრძელვადიანი  მენტორობის მისია თბილისის საქალაქო სასამართლოს სამოქალაქო და ადმინისტრაციულ საქმეთა მოსამართლეებისთვის.

თბილისში, მომდევნო ექვსი თვის განმავლობაში მოსამართლე ბელიპანი დააკვირდება სამოქალაქო და ადმინისტრაციულ სასამართლო პროცესებს, გამართავს ინდივიდუალურ შეხვედრებს ქართველ მოსამართლეებთან და გააცნობს ამერიკული იურისპრუდენციის მათთვის მნიშვნელოვან და საინტერესო საკითხებს.

მოსამართლე ბელიპანიმ გაცნობითი ხასიათის შეხვედრა გამართა USAID სამართლის უზენაესობის პროგრამის ხელმძღვანელ გიორგი ჩხეიძესთან და მის მოადგილე ნილ ვაინსტაინთან. შემდეგ, 12 სექტემბერს, ის შეხვდა ადმინისტრაციულ და სამოქალაქო სამართლის მოსამართლეებს და თბილისის საქალაქო სასამართლოს თანამშრომლებს. ჰქონდა სასამართლო ტური, რათა გაეგო მეტი სასამართლოს სტრუქტურისა და საქმისწარმოების სისტემების შესახებ.

მისიის ფარგლებში, მოსამართლე ბელიპანი ასევე მიიღებს მონაწილეობას USAID სამართლის უზენაესობის პროგრამის მიერ დაგეგმილ ღონისძიებებში, რომლებიც მიმართულია  თბილისში იურიდიული პროფესიონალების კვალიფიკაციის გაზრდისკენ, ქალთა უფლებების შესახებ ახლადშექმნილი მოსამართლეთა პრაქტიკის ჯგუფების გაძლიერებისა და მხარდაჭერისკენ, ბავშვთა უფლებებისა და გამოხატვის თავისუფლების დაცვისკენ. პროგრამა გეგმავს, დამატებით ამერიკელი მოსამართლეების მოწვევას მსგავსი მისიების ჩასატარებლად. ამერიკელი მოსამართლეები, სავარაუდოდ, დაიწყებენ გრძელვადიანი მონიტორინგის მისიებს რუსთავში და საქართველოს სხვა რეგიონებში.

მოსამართლე ბელიპანის შესახებ: 

მოსამართლე ბელიპანი 15 წლის განმავლობაში მუშაობდა პირველი ინსტანციის სასამართლოს სახელმწიფო მოსამართლედ, განიხილავდა მძიმე სისხლის სამართლის საქმეებს, რთულ სამოქალაქო საქმეებს, ფსიქიკური ჯანმრთელობის ვალდებულებებს, მტკიცებულებებსა და ანდერძებს, ქორწინების საქმის შეწყვეტას, სხვადასხვა სამოქალაქო და სისხლის სამართლის, არასრულწლოვანთა და ოჯახურ საკითხებს. ის ატარებდა სასამართლო პროცესებს სასამართლოსა და ნაფიც მსაჯულთა წინაშე და ზედამხედველობდა დიდი ნაფიც მსაჯულთა შერჩევას რთული საქმეებისთვის. მოსამართლე ბელიპანი ასევე 10 წლის განმავლობაში მუშაობდა მთავარ მოსამართლედ და პასუხისმგებელი იყო სასამართლოს მართვის ყველა ასპექტზე, ბიუჯეტის და პერსონალის მენეჯმენტის ჩათვლით. 

ის 20 წლის განმავლობაში სასამართლო არბიტრის ჯგუფში შუამავლობდა 2000-ზე მეტ სხვადასხვა სახის საქმეს: პირადი დაზიანება, უძრავი ქონება, ბიზნესის დაშლა, ბენეფიციართა დავები, სამშენებლო ხარვეზები, რთული ბიზნეს კონტრაქტების უთანხმოებები, კლასობრივი ქმედებები, სახელმწიფო შეღავათები, მასწავლებლის უფლების შეწყვეტა და სხვა. ის ასევე მართავდა არბიტრაჟებს, რომლებიც მოიცავდა სამოქალაქო საქმეების მსგავს სახეებს.

საერთაშორისო განვითარების სივრცეში მოსამართლე ბელიპანი მუშაობდა სხვადასხვა გრძელვადიანი მენეჯმენტსა და მოკლევადიან მრჩეველთა როლებში. მათ შორისაა, ეგვიპტეში USAID-ის მიერ დაფინანსებული იუსტიციის მხარდაჭერის პროექტის ადმინისტრაციის ფარგლებში განხორციელებული პროგრამების, პარტიის ხელმძღვანელისა და უფროსი სასამართლო მრჩეველის-დირექტორის პოზიციაზე მოღვაწეობა.