მაღალმთიანი აჭარის 250-ზე მეტმა მკვიდრმა მიიღო ინფორმაცია ქალთა უფლებების, ადამინებით ვაჭრობის (ტრეფიკინგის) და იურიდიული დახმარების სამსახურის უფასო სურვისების შესახებ.
მობილური ვიზიტები ხულოს, ქედის, შუახევის და ხელვაჩაურის მუნიციპალიტეტებში განხორციელდა იურიდიული დახმარების სამსახურის მიერ და მოიცავდა პრეზენტაციებს პარალეგალი სტუდენტების მხრიდან. მობილური ვიზიტების მხარდაჭერა უზრუნველყო USAID-ის სამართლის უზენაესობის პროგრამამ.
სოფლის მაცხოვრებლებს ჰქონდათ შესაძლებლობა შეხვედროდნენ და იურიდიული დახმარების სამსახურის ბათუმის ბიუროს იურისტებს და სამართლებრივ საკითხებზე გასაუბრებობოდნენ მათ. 38-მა პირმა მიიღო კონსულტაცია და მათ უმრავლესობას სჭირდებოდა დახმარება ისეთ საკითხებზე როგორიცაა მიწის რეგისტრაცია, მემკვიდრეობა, ოჯახში ძალადობა, ვალებთან დაკავშირებული სამართლებრივი საკითხები.
საინფორმაციო შეხვედრებს უძღვებოდა იურიდიული დახმარების სამსახურის ხელმძღვანელის მოადგილე დავით სიმონია და ამ შეხვედრებში მონაწილეობდა შვიდი სტუდნეტი-პარალეგალი, რომლებმაც გაიარეს ტრენინგი ადამიანებით ვაჭრობის (ტრეფიკინგის), ქალთა უფლებების და ბავშვთა უფლებების საკითხებზე.
2022 წლის ივლისიდან იურიდიული დახმარების სამსახური, USAID სამართლის უზენაესობის პროგრამის მხარდაჭერით, ახორციელებს ვაქციოთ კანონი ყველასათვის ხელმისაწვდომი - პარალეგალების ინიციატვას. პროექტი გულისხმობს არა იურისტების გადამზადებას კონკრეტულ სამართლებრივ საკითხებში, რომელიც მათ საშუალებას აძლევს პირველადი იურიდიული რჩევა მისცეს საზოგადოების წარმომადგენლებს, რომლებსაც არ აქვთ სხვა მხრივ წვდომა იურიდიულ მომსახურებაზე.