საქართველოს სხვადასხვა სასამართლოს თხუთმეტმა თანამშრომელმა (საქართველოს უზენაესი სასამართლო; თბილისის სააპელაციო სასამართლო; თბილისის, რუსთავის და გორის საქალაქო სასამართლოები; თეთრიწყაროს რაიონული სასამართლო) მონაწილეობა მიიღო 2024 წლის 15-16 ივნისს ბორჯომში მოსამართლეების თანაშემწეებისა და სასამართლოს მდივნების ორდღიან ტრენინგში.

ტრენინგის, რომელიც ეხებოდა პროცედურულ სამართლიანობასა და ეფექტიან კომუნიკაციას, საჭიროება გამოიკვეთა მოსამართლეთა შეხვედრების შედეგად პროგრამის მიერ მხარდაჭერილი სამართლის უზენაესობის სასამართლო პრაქტიკის ჯგუფების ფარგლებში.

ანა ჭიაბრიშილმა, USAID სამართლის უზენაესობის პროგრამის (პროგრამის) სამართლებრივმა მკვლევარმა, წარმოადგინა ადამიანის უფლებათა ევროპული სასამართლოს (ECHR) პრაქტიკა მიუკერძოებლობის, როგორც სამართლიანი სასამართლოს უფლების გარანტიის  შესახებ და ხაზი გაუსვა სასამართლოს პერსონალის გადამწყვეტ როლს ასეთი შემთხვევებში სათანადო შედეგების მიღწევაში.

პროგრამის სასამართლო რეფორმის მრჩეველმა, ეკა ლომთათიძემ განიხილა საქართველოს საკონსტიტუციო სასამართლოს მნიშვნელოვანი გადაწყვეტილებები მიუკერძოებლობასთან დაკავშირებით, ასევე სამართლებრივი ინტერპრეტაციის თეორიები და სამართლებრივი ანალიზის პარადიგმები.

დოქტორმა თიმ ბუნიევაცმა, პროგრამის საზოგადოებრივი ჩართულობის მრჩეველმა, წარმოადგინა სამოქალაქო საქმეთა მენეჯმენტისა და საქმეთა ნაკადის მართვის საერთაშორისო მიმოხილვა, ასევე ეფექტიანი სტრატეგიების საილუსტრაციოდ განიხილა მაგალითები სხვადასხვა იურისდიქციიდან.

სხდომა დასრულდა საზოგადოებაზე ორიენტირებული მართლმსაჯულების მიდგომებისა და მათი სამოქალაქო საქმის მართვაზე გავლენის განხილვით.