კანონის უზენაესობის რეგიონული ფორუმში, რომელიც 2023 წლის 20 ნოემბერს გაიმართა, იმერეთის და აჭარის რეგიონის მართლმსაჯულების სფეროს, უნივერსიტეტების, სამოქალაქო საზოგადოების ორგანიზაციებისა და მედიის 70 წარმომადგენელი მონაწილეობდა. ფორუმმა ხელი შეუწყო მონაწილეებს შორის კანონის უზენაესობის საუკეთესო პრაქტიკის გაზიარებას, წაახალისა თანამშრომლობა და კანონის უზენაესობისა და ადამიანის უფლებების საკითხებზე მსჯელობა.

ღონისძიების მონაწილეებს მისასალმებელი სიტყვით მიმართეს USAID/საქართველოს მისიის დირექტორმა, ჯონ პენელიმ; საქართველოს საკონსტიტუციო სასამართლოს თავმჯდომარემ, მერაბ ტურავამ; ადვოკატთა ასოციაციის თავმჯდომარემ, დავით ასათიანმა; იურიდიული დახმარების სამსახურის დირექტორმა დავით სიმონიამ; აკაკი წერეთლის სახელმწიფო უნივერსიტეტის რექტორმა, შალვა კირთაძემ; და საქართველოს ახალგაზრდა იურისტთა ასოციაციის აჭარის ფილიალის ხელმძღვანელმა, თამარ წულუკიძემ.

სესიებს უძღვებოდნენ USAID სამართლის უზენაესობის პროგრამის პარტნიორები,  და მოიცავდა კანონის უზენაესობის აქტიური დაცვისა და პატივისცემის სტრატეგიების გაზიარებასა და განხილვას. დისკუსიების მთავარი ფოკუსი იყო ბავშის საუკეთესო ინტერესების დაცვის კრიტიკული გამოწვევების და საუკეთესო პრაქტიკების გაზიარება მათ შორის ოჯახურ საქმეებში მედიაციის გამოყენების უპირატესობა.

ღონისძიება ჩატარდა USAID სამართლის უზენაესობის პროგრამის ბათუმისა და ქუთაისის რეგიონული ჰაბების ფარგლებში. ჰაბები მუშაობენ კანონის უზენაესობის ხელშეწყობაზე და მართლმსაჯულების ხელმისაწვდომობის უზრუნველყოფაზე რათა აამაღლონ მოქალაქეების ცნობიერება და კანონის პრაქტიკული გამოყენება, ასევე მხარი დაუჭირონ კანონებსა და რეგულაციებს რომლებიც სამართლიანობას და ადამიანის უფლებებს ანიჭებენ უპირატესობას. ჰაბები აძლიერებენ მართლმსაჯულების განხორციელებას თავის შესაბამის რეგიონებში ადგილობრივ სასამართლოებთან, იურიდიულ ფაკულტეტებთან, სამოქალაქო საზოგადოების ორგანიზაციების, ადვოკატთა ასოციაციის, იურიდიული დახმარების სამსახურის ფილიალებთან, სახალხო დამცველის ოფისებთან და კერძო სექტორთან მჭიდრო კავშირების დამყარებით.

დაარსების დღიდან (ბათუმი - 2022 წლის მარტი,  ქუთაისი 2022 წლის დეკემბერი) კანონის უზენაესობის ჰაბებმა და მათმა პარტნიორებმა წარმატებით განახორციელეს სხვადასხვა პროექტები, რომლებიც მიზნად ისახავს მართლმსაჯულების ხელმისაწვდომობის უზრუნველყოფას ყველასათვის. ეს შესაძლებელი გახდა სტუდენტებისა და იურიდიული პროფესიონალების გადამზადებით და ასევე საზოგადოების ცნობიერების ამაღლებით მათ უფლებებზე და ამ უფლებების დასაცავად არსებულ სამართლებრივ საშუალებებზე.