„სიტყვის თავისუფლება არ არის მხოლოდ პრივილეგია, არამედ ფუნდამენტური აუცილებლობა კაცობრიობისთვის“. - აღნიშნა დავით გორგილაძემ, მწერალმა, ჟურნალისტმა და იუთუბის პოპულარული შოუს "გორგილაძის აუტანელი სიმსუბუქის" წამყვანმა USAID სამართლის უზენაესობის პროგრამის საჯარო დისკუსიების დროს ქუთაისსა და ბათუმში 2024 წლის 8 და 9 ივნისს.

ივნისის თვეში დისკუსიები ფოკუსირებული იყო „გამოხატვის თავისუფლების" საკითხზე და მიიპყრო 75-ზე მეტი მონაწილის ყურადღება სხვადასხვა მრავალფეროვანი ჯგუფიდან, მათ შორის იურიდიული ფაკულტეტის სტუდენტები, ბიზნეს პროფესიონალები, ფსიქოლოგები, მარკეტინგის სპეციალისტები, სამოქალაქო აქტივისტები და იურისტები.

დიკუსიის მთავარმა მომხსენებლებმა დავით გორგილაძემ და ადვოკატმა ზვიად კორძაძემ განიხილეს სიტყვის თავისუფლების მნიშვნელობა და აზრისა და გამოხატვის თავისუფლების უფლება.

დავით გორგილაძემ საუბარი დაიწყო ცნობილი რომანისტის, სალმან რუშდის მოსაზრებების მითითებით, რომელიც ამტკიცებდა, რომ აზრების მოსმენისა და მისი გამოხატვის მიდრეკილება არ არის მხოლოდ არჩევანი, არამედ ადამიანის ბუნებისთვის თანდაყოლილი აუცილებლობაა. გორგილაძემ განმარტა, თუ რამდენად მნიშვნელოვანი შეიძლება იყოს თხრობა და როგორ შეიძლება აზრის გამოხატვის ჩახშობამ გამოიწვიოს საზოგადოების პროგრესის ჩახშობა, შედარება გააკეთა კანის შეკუმშვასთან. მან ასევე პარალელები გაავლო თანამედროვე მოვლენებთან, რომლითაც ვითარდება სოციალური დინამიკა და გამოხატვის თავისუფლების დაცვის მნიშვნელობას გაუსვა ხაზი ასეთ ტურბულენტურ დროს.

გორგილაძის შეხედულებების გაგრძელებით, კორძაძემ ხაზი გაუსვა სიტყვის თავისუფლების შეუცვლელ როლს ძლიერი საზოგადოების განვითარებაში. კორძაძემ განაცხადა, რომ სჯერა, სიტყვის თავისუფლების აუცილებობა ინდივიდებისა და საზოგადოებისთვის. მან აუდიტორიას განუცხადა, რომ ბრძენი მთავრობა უსმენს თავის ხალხს და საშუალებას აძლევს მათ შიშის გარეშე გამოხატონ თავიანთი აზრი. როდესაც ადამიანებს არ შეუძლიათ თავისუფლად გამოხატონ საკუთარი თავი, ეს აფერხებს მათ კრიტიკულად აზროვნების უნარს. თუმცა, ამ თავისუფლებას აქვს საზღვრები - მან არ უნდა შელახოს სხვათა უფლებები და რეპუტაცია. მან ასევე ხაზი გაუსვა გაერთიანების თავისუფლების მნიშვნელობას, სადაც ადამიანებს შეუძლიათ გაერთიანდნენ საერთო პრობლემების გარშემო, რაც საფუძველს ჩაუყრის ძლიერ სამოქალაქო საზოგადოებას.

ღია დისკუსიებისა და მომხსენებლებთან ინტერაქციის საშუალებით მონაწილეებმა გაცვალეს იდეები, გაუზიარეს პერსპექტივები და გამოიკვლიეს პოტენციური გადაწყვეტილებები საერთო გამოწვევებისთვის.

დისკუსიები ასევე შეეხო საქართველოს პარლამენტის მიერ მიღებულ ან შემოთავაზებულ უახლეს კანონებსა და საკანონმდებლო ცვლილებებს, აგრეთვე იმ როლს, რომელსაც კონკრეტული სოციალურ ჯგუფებს შეუძლიათ დაგეგმონ მნიშვნელოვანი ცვლილებების განხორციელებაში.