2024 წლის 27 თებერვალს, საქართველოს ადვოკატთა ასოციაციის (GBA) ოფისში USAID სამართლის უზენაესობის პროგრამამ (პროგრამა) მხარდაჭერით გაიმართა სემინარი თემაზე: მართლმსაჯულების სფეროში ხელოვნური ინტელექტისა და თანამედროვე ტექნოლოგიების დანერგვის უპირატესობები და გამოწვევები.

მაგდა ბერუაშვილმა, თბილისის საქალაქო სასამართლოს მთავარმა კონსულტანტმა/მოსამართლის თანაშემწემ და პროგრამის მიერ დაფინანსებული სასამართლოს თანამშრომელთა სასტიპენდიო ფონდის გამარჯვებულმა, იურიდიული დახმარების სამსახურის, GBA-ს, საქართველოს მედიატორთა ასოციაციისა და აკადემიის 55 წარმომადგენელისათვის გამართა პრეზენტაცია მართლმსაჯულების სფეროში ხელოვნური ინტელექტისა და თანამედროვე ტექნოლოგიების შესახებ.

პროგრამის ხელმძღვანელი გიორგი ჩხეიძე მიესალმა დამსწრეებს და განმარტა, რომ სასამართლოს თანამშრომელთა სასტიპენდიო ფონდი, სასამართლოს პერსონალის ცოდნისა და უნარების ამაღლებას სასამართლო ადმინისტრირების გაუმჯობესების, მართლმსაჯულების მისაწვდომობისა და სასამართლო სისტემაში საზოგადოებაზეორიენტირებული პრაქტიკის გაძლიერების მიზნით.

მის შემდეგ, ზვიად გაბისონიამ, ბიზნესისა და ტექნოლოგიების უნივერსიტეტის ციფრული მმართველობისა და ხელოვნური ინტელექტის სადოქტორო პროგრამის ხელმძღვანელმა და ხელოვნური ინტელექტის სამართლის ექსპერტმა, მიმოიხილა ხელოვნური ინტელექტის გამოწვევები და შესაძლებლობები. პრეზენტაციისას მან აღნიშნა, რომ "AI-ზე მომუშავე სისტემებს შეუძლიათ გაამარტივონ სამართლებრივი პროცესები, გააუმჯობესონ მონაცემთა ანალიზით გადაწყვეტილების მიღების პროცესი და მართლმსაჯულებაზე წვდომა რუტინული ამოცანების ავტომატიზაციის გზით. თუმცა, ისეთი გამოწვევები, როგორიცაა ალგორითმული სამართლიანობისა და გამჭვირვალობის უზრუნველყოფა, მონაცემთა კონფიდენციალურობის დაცვა და ხელოვნური ინტელექტის სისტემებში თანდაყოლილი მიკერძოებების შერბილება მნიშვნელოვან დაბრკოლებებს ქმნის“.

თავის პრეზენტაციაზე ქალბატონმა ბერუაშვილმა განმარტა სხვადასხვა მოდელები, რომლებიც შეიძლება გამოყენებულ იქნას ხელოვნური ინტელექტის ასამოქმედებლად მართლმსაჯულების სისტემაში. მან მოიყვანა მაგალითები იმის შესახებ, თუ როგორ ხორციელდება ხელოვნური ინტელექტის პროგრამები მსოფლიოს სასამართლოებში. მან ასევე განიხილა ეთიკური მოსაზრებები AI-სთან დაკავშირებით.

სემინარის ბოლო სესიაზე განხილული იყო „კვალიფიცირებული ელექტრონული ხელმოწერების“ სამართლებრივი მნიშვნელობა, ასევე ელექტრონული კონტრაქტების დადებითი და უარყოფითი მხარეები საქართველოს კანონმდებლობით.

მონაწილეებმა ბევრი შეკითხვა დაუსვეს მომხსენებლებს. მათ სურდათ გაეგოთ, შესძლებდა თუ არა ხელოვნური ინტელექტი დანაშაულის ელემენტების ამოცნობას და არსებობდა თუ არა მიკერძოების რისკი მის შეფასებებსა და განსჯაში. მონაწილეები ასევე დაინტერესდნენ ხელოვნური ინტელექტის ისეთ სფეროებში გამოყენების შესახებ, როგორიცაა სამომხმარებლო შეთანხმებები და ელექტრონული დავების გადაწყვეტა.