2024 წლის 15 მარტს, USAID სამართლის უზენაესობის პროგრამამ, სამცხე-ჯავახეთის სახელმწიფო უნივერსიტეტის იურიდიულ ფაკულტეტთან თანამშრომლობით, მოაწყო კარიერული საუბარი უზენაესი სასამართლოს მოსამართლე ეკატერინე გასიტაშვილის მონაწილეობით.

შეხვედრას სამცხე - ჯავახეთის უნივერსიტეტის იურიდიული ფაკულტეტის სამართალმცოდენეობისა და საჯარო მმართველობის პროგრამებიდან 70 - ზე მეტი სტუდენტი დაესწრო.

მოსამართლე გასიტაშვილმა ისაუბრა ქალის როლზე იურიდიულ პროფესიაში. კონკრეტულად, მან მონაწილეებს გაუზიარა შეხედულებები საკუთარი პროფესიული გამოცდილების შესახებ, რომლის დროსაც მან განვლო სამოქალაქო სპეციალიზაციით ადვოკატის ათწლიანი გზა და მიაღწია მოსამართლის ამჟამინდელ პოზიციას. ასევე მან განიხილა ის გამოწვევები, რომელთა წინაშეც დგანან ქალი იურისტები, პირადი, პროფესიული და სოციალური დაბრკოლებები რომელთა გადალახვაც უწევთ მათ იურიდიული განათლების ადრეული საფეხურებიდან - უზენაეს სასამართლოში მოსამართლეობის მიღწევამდე.

მოსამართლე გასიტაშვილმა ხაზი გაუსვა დემოკრატიულ საზოგადოებაში დამოუკიდებელი, მიუკერძოებელი და ეფექტური სასამართლო სისტემის კრიტიკულ როლს. მან ისაუბრა სასამართლო ხელისუფლების პასუხისმგებლობაზე, სამართლებრივი უსაფრთხოების უზრუნველყოფზე, დავების გადაჭრასა და ყველა მოქალაქის, განსაკუთრებით მოწყვლადი ჯგუფების, რომლებსაც უჭირთ თავის დაცვა, უფლებებისა და თავისუფლებების დაცვზე. მოსამართლე გასიტაშვილმა ისაუბრა იმ ფუნდამენტურ ღირებულებებზე, რომლებითაც ხელმძღვანელობენ მოსამართლეები გადაწყვეტილების მიღებისას, მათ შორის დამოუკიდებლობა, მიუკერძოებლობა, პატიოსნება, თანასწორობა, კომპეტენცია და შრომისმოყვარეობა. მან ხაზგასმით აღნიშნა, რომ ამ გაიდლაინების გარეშე, მართლმსაჯულების ეფექტური განხორციელება და კანონის უზენაესობის პატივისცემა საფრთხეში იქნება.

დისკუსიის ნაწილში სტუდენტებმა მოსამართლე გასიტაშვილს კითხვები დაუსვეს. მათი დაინტერესება მოსამართლის პროფესიულმა სინანულმა, შემდგომ მოსამართლეობის მოტივით იურიდიული კარიერის წარმართვამ და უზენაესი სასამართლოს გადაწყვეტილების გასაჩივრების შესაძლებლობებემა მიიქცია, თავის მხრივ ეკატერინე გასიტაშვილმა დასმულ კითხვებზე გულწრფელი და ნაყოფიერი პასუხები გასცა.

პროგრამა ახალციხის სამართლის უზენაესობის ჰაბის მეშვეობით გეგმავს რეგიონის სტუდენტებისთვის მსგავსი კარიერული საუბრებისა და საჯარო ლექციების ორგანიზებას.