2023 წლის 5 ოქტომბერს, ამერიკელმა მოსამართლემ მინესოტას შტატიდან, ტიმოთი ბალანდმა, ახალციხის რაიონული სასამართლოს მოსამართლეებისა და სასამართლოს პერსონალისთვის სამუშაო შეხვედრა ჩაატარა. 

სამუშაო შეხვედრის მთავარი ფოკუსი საქმეთა მართვის გაუმჯობესება - სასამართლო პროცესამდე, პროცესის მსვლელობისას და პროცესის დასრულების შემდეგ - იყო. შეხვედრას სასამართლოს თერთმეტი წევრი ესწრებოდა, მათ შორის მოსამართლეები, სასამართლოს მენეჯერი და მოსამართლის თანაშემწეები. სემინარის დროს მოსამართლე ბალანდმა აღწერა საქმეთა მართვის კონფერენციის (CMC) მუშაობის თავისებურებანი და განმარტა მისი უპირატესობები. CMC არის ის პირველი საფეხური, რომელიც მხარეებმა და სასამართლომ უნდა გაიარონ სასამართლო სხდომების დანიშვნამდე, თუკი თავად მოსამართლე მიიჩნევს აღნიშნულს საჭიროდ. CMC-ის უპირველესი მიზანია შეეცადოს გადაჭრას ზოგიერთი ან ყველა არსებული ის სამართლებრივი საკითხი, რამაც შესაძლოა პროცესის დროს საქმის გაჭიანურება გამოიწვიოს. ზოგიერთ შემთხვევაში, CMC-ის ეტაპზე მხარეებს შორის შეთანხმების მიღწევამ გარკვეულ პროცედურულ საკითხებზე, შესაძლოა საერთოდ გამორიცხოს სასამართლოში საქმის განხილვის საჭიროება, ხოლო დანარჩენ შემთხვევებში კი იგი სასამართლო პროცესის გამარტივებასა და შეფერხებების გარეშე ჩატარებას უწყობს ხელს. მიუხედავად იმისა, რომ  CMC-ზე მიღებული მხარეთა შორის შეთანხმება ყველა შემთხვევისას სასამართლო პროცესის საჭიროებას მაინც ვერ აღმოფხვრის, იგი მაინც უმთავრეს ეტაპს წარმოადგენს მომავალი სასამართლო პროცესისთვის მოსამზადებლად.

შეხვედრაზე მოსამართლე ბალანდმა  წარადგინა შუამდგომლობების დაყენების არსებული პრაქტიკის გაუმჯობესებათან დაკავშირებული რეკომენდაციები და მოსამართლეებს  გაუზიარა გადაწყვეტილების მიღებისას  საუკეთესო პრაქტიკის მაგალითები. მოსამართლე ბალანდმა შეხვედრაზე დამსწრეებს ასევე გაუზიარა თავისი ოთხთვიანი მენტორობის მისიის შედეგად დაგროვილი ცოდნა და დაკვირვებები, რა დროის მანძილზეც იგი ესწრებოდა სასამართლო პროცესებს სამოქალაქო და ადმინისტრაციული საქმეების განხილვისას. მან ხაზგასმით მიუთითა სასამართლოში შესული საქმეების რაოდენობაზე და მოსამართლეებთან ერთად განიხილა სხვადასხვა სტრატეგიები ასეთი დიდი მოცულობის სამუშაოს უკეთ სამართავად. ქართველმა მოსამართლეებმა აღნიშნეს, რომ საქართველოს კანონმდებლობა იძლევა მოსამართლე ბალანდის მიერ გაზიარებული პრაქტიკის განხორციელების საშუალებას.

სემინარმა ასევე შესაძლებლობა მისცა მოსამართლეებსა და მათ თანაშემწეებს განეხილათ ის გამოწვევები, რომლებიც სასამართლო პროცესის დროს წამოიჭრება. განსაკუთრებით მათ გამოყვეს ადგილობრივი ადვოკატების მიერ ცალსახად გამოხატული კვალიფიკაციის დონე და პასუხისმგებლობის გრძნობა, რომლის ნაკლებობაც, საქმის უსაფუძვლო გადადების საწინდარია და აფერხებს საბოლოო გადაწყვეტილების მიღებას.