დიდიხნიანი გამოცდილების მქონე ამერიკელი მოსამართლე პეგი უოლკერი საქართველოში ჩამოვიდა. გრძელვადიანი გამოცდილების გაზიარების პროგრამის დროს ის დაესწრება სასამართლო პროცესებს ქუთაისის საქალაქო სასამართლოში და თავის გამოცდილებას გაუზიარებს იმერეთის რეგიონის მოსამართლეებს. მოსამართლე უოლკერი ასევე მიიღებს მონაწილეობას USAID სამართლის უზენაესობის პროგრამისა და მისი პარტნიორი ორგანიზაციების მიერ საქართველოს მასშტაბით ორგანიზებულ ღონისძიებებში.

ოცდაათ წლიანი კარიერის მქონე, როგორც სასამართლოს მოსამართლე აშშ-ს შტატ ჯორჯიაში, მოსამართლე უოლკერი თავის მრავალმხრივ გამოცდილებას გაუზიარებს ადგილობრივ იურისტებს, მათ შორის იურიდიული დახმარების სამსახურს, ასევე აკადემიკოსებს და იურიდიული სფეროს სხვა წარმომადგენლებს. ამ შეხვედრების ერთ-ერთი მიზანია ცოდნისა და გამოცდილების გაცვლა ბავშვთა უფლებებისა და მასთან დაკავშირებულ საკითხებში. დისკუსიის თემები მოიცავს ბავშვებთან ეფექტურ კომუნიკაციას სასამართლოებში, აშშ-ს სასამართლო პრაქტიკას მხარეებთან კომუნიკაცის დროს, სასამართლოს გადატვირთულობასა და საქმეების განაწილების პრინციპებს, სასამართლო საქმისა და დროის მართვას, კომუნიკაციის უნარებს და სამოსამართლო ეთიკას.

მოსამართლე უოლკერი, ასევე, ათი წლის განმავლობაში ეწეოდა საადვოკატო პრაქტიკას, კერძოდ პრობაციის, კონტრაქტების, საოჯახო სამართლისა და გაკოტრების სფეროში. იგი თერთმეტი წლის განმავლობაში არასრულწლოვანთა და საოჯახო სასამართლოების მოსამართლეთა ეროვნული საბჭოს ბორდის წევრი იყო, მათ შორის ერთხელ პრეზიდენტობის ვადის ჩათვლით. მისი ექსპერტიზა მოიცავს სამოქალაქო და სისხლის სამართლის საკითხებს, ასევე მეურვეობის, ბავშვის მხარდაჭერის, შვილად აყვანისა და ოჯახური ძალადობის საკითხებთან დაკავშირებულ საქმეებს.

მთელი თავისი კარიერის განმავლობაში, მოსამართლე ასწავლიდა ამერიკელ მოსამართლეებს შტატების სხვადასხვა სასამართლოებიდან და მათ მენტორობას უწევდა ისეთ თემებზე, რომელიც მოიცავდა სასამართლო მენეჯმენტის საკითხებს, მაგალითებს ნივთიერების მოხმარებით გამოწვეული დამოკიდებულების შემთხვევების აღმოფხვრის საუკეთესო პრაქტიკის შესახებ და თვითმკვლელობის პრევენციის მექანიზმებს. იგი აქტიურად იყო ჩართული გენდერული ნიშნით მიკერძოებაზე, მართლმსაჯულების ხელმისაწვდომობაზე, შშმ პირებისათვის საქმის განხილვის პროცესში შესაბამისი გარემოს შექმნასა და ისეთი სამართალწარმოებაზე, სადაც მხარე თავს წარმომადგენლის გარეშე იცავდა. როგორც გამოცდილი მოსამართლე, ის აგრძელებს მოსამართლეებისთვისა და დაინტერესებული მხარეებისთვის საუკეთესო პრაქტიკისა და პროცედურების სწავლებას, მათ შორის საოჯახო საქმეების განმხილველ სასამართლოებში.

აღსანიშნავია მოსამართლე უოლკერის აღნიშნულ მისიაში, რომელიც USAID სამართლის უზენაესობის პროგრამის ხელშეწყობით ხორციელდება, ჩართულობა, რადგან იგი მისიის ფარგლებში პირველი ქალი მოსამართლეა.