USAID სამართლის უზენაესობის პროგრამის მიერ მოწვეული ამერიკელი მოსამართლე პეგი უოლკერი ეწვია განათლების განვითარებისა და დასაქმების ცენტრს (EDEC), სადაც მოსამართლე 35 ენთუზიაზმით სავსე ახალგაზრდას შეხვდა.

შეხვედრის უპირველესი მიზანი იყო ახალგაზრდებისთვის ადამიანის უფლებების დაცვის, ახალგაზრდების ჩართულობის, მართლმსაჯულების სისტემის, განათლების, დასაქმებისა და ახალგაზრდებისთვის უსაფრთხო გარემოს ხელშეწყობისადმი ამერიკული მიდგომის გაცნობა. მოსამართლე უოლკერი ახორციელებს გრძელვადიან მისიას საქართველოში და მისმა გამორჩეულმა 30-წლიანმა გამოცდილებამ არასრულწლოვანთა მართლმსაჯულების საქმეების განხილვაში (ჯორჯიის შტატში) დისკუსიას განსაკუთრებული სიღრმე და შინაარსი შესძინა.

მოსამართლის პრეზენტაციის შემდეგ შეხვედრა კითხვა-პასუხის ფორმატში გაგრძელდა, რამაც მონაწილეებს მისცა საშუალება თავისუფლად ეკითხათ მოსამართლისთვის და მიეღოთ ინფორმაცია ადამიანის უფლებების დაცვის საკითხებზე, გაეგოთ ამერიკაში არსებული პოპულარული პროფესიების თაობაზე, მოესმინათ მოსამართლე უოლკერის პირადი გამოცდილება მთელი მისი კარიერის განმავლობაში და პროფესიულ საქმიანობის განმავლობაში არსებული გამოწვევების თაობაზე მიეღოთ რჩევები.

მონაწილეებმა შეხვედრა განახლებული ინფორმაციით და სამომავლო მიზნებით დატოვეს, და გამოთქვეს სურვილი, გამოიყენონ შეხვედრის დროს მიღებული ცოდნა, რათა აქტიური წვლილი შეიტანონ ქუთაისის განვითარებაში. პროგრამის ფარგლებში ჩატარებული მსგავსი შეხვედრები გავლენას ახდენს  ახალგაზრდების ცხოვრებაზე და წაახალისებს მათ წინ წაიწიონ სამართლიანობისთვის, განათლების ხელშეწყობისა და გრძელვადიანი ცვლილებების შეტანაში, როგორც მათ გარშემო, ასევე მთლიანად მსოფლიოში.