USAID სამართლის უზენაესობის პროგრამის და საქართველოს ადვოკატთა ასოციაციის (GBA) თანამშრომლობით, ქუთაისში მოღვაწე ადვოკატებსა და პროგრამის მიერ მოწვეულ ამერიკელ მოსამართლე პეგი უოლკერს შორის შეხვედრა შედგა.

ღონისძიება ამერიკულ და ქართულ სასამართლო სისტემებში ბავშვისთვის ხელსაყრელი გარემოსა და პროცედურების შექმნის საკითხებს შეეხებოდა. შეხვედრაზე მონაწილეებმა განიხილეს საქართველოს სასამართლო სისტემაში არსებული გამოწვევები და გამოკვეთეს სამოქალაქო და ადმინისტრაციულ სამართალწარმოებაში არსებული დაბრკოლებები, რომლებიც ხელს უშლის ქუთაისში სასამართლო ადმინისტრირების ეფექტურობას.

მოსამართლე უოლკერმა ისაუბრა აშშ-ში არასრულწლოვანთა სასამართლოებში ბავშვების საუკეთესო ინტერესების დაცვის სტანდარტებს. მან ყურადღება გაამახვილა ბავშვების სასამართლოში მოსმენის უფლების მნიშვნელობაზე და ბავშვისთვის ხელსაყრელი გარემოს შექმნის თაობაზე, რაც შეამცირებს სტრესს ბავშვებისთვის, განსაკუთრებით თუ ის წარსული გამოციდლებიდან მომდინარეობს.

”დაყოვნებული მართლმსაჯულება არის მართლმსაჯულებაზე ხელმისაწვდომობის უფლებაზე უარი”, - თქვა მან და მოუწოდა ადვოკატებს მჭიდროდ ითანამშრომლონ სასამართლო სისტემასთან, რათა უზრუნველყონ მართლმსაჯულების დროული ხელმისაწვდომობა მათი კლიენტებისთვის.

მოსამართლე უოლკერმა რეკომენდაციები მისცა ადვოკატებს, რომ სასამართლოში ემოქმედათ ბავშვების ინტერესებიდან გამომდინარე. „რაც ბავშვს სურს, სულაც არ ნიშნავს იმას, რაც ბავშვს სჭირდება.“ - თქვა მოსამართლე უოლკერმა. ”ბავშვის საუკეთესო ინტერესები უნდა სჭარბობდეს ბავშვის სურვილებს.”

დისკუსიის მეორე ნაწილი შეეხო ადვოკატების მიერ დასმულ შეკითხვებს. მათ ხაზი გაუსვეს ადვოკატების როლს კლიენტების უფლებების დაცვის საქმეში და შეშფოთება გამოთქვეს მოსამართლეთა არასაკმარისი რაოდენობის შესახებ, რაც მნიშვნელოვნად აფერხებს საქმეების დროულ განიხილვას.

ადვოკატების აზრით საჭიროა სასამართლო სისტემაში სპეციალური პალატის ან სასამართლოს შექმნის არსებობა, რომელიც სპეციალურად იმუშავებს ბავშვების უფლებების დასაცავად სამოქალაქო, ადმინისტრაციულ და სისხლის სამართლის საკითხებში.