2023 წლის 3-4 ნოემბერს, თბილისის სააპელაციო სასამართლოს მოსამართლე ქეთევან მესხიშვილმა ქუთაისის და აჭარის სტუდენტი-პარალკანტებისთვის ბავშვთა უფლებებზე ორიენტირებული ტრენინგი ჩაუტარა. 54-მა სტუდენტმა-პარალეგალმა მიიღო ინფორმაცია როგორც ბავშვის საუკეთესო ინტერესების განსაზღვრის კონცეფციებისა და მიდგომების შესახებ, ასევე შესაბამის ფაქტორებზეც.

ტრენინგი ჩატარდა USAID სამართლის უზენაესობის პროგრამის მხარდაჭერით, საქართველოს იურიდიული დახმარების სამსახურის საინფორმაციო კამპანიის “პარალეგალების ინიციატივა - ვაქციოთ კანონი ყველასთვის ხელმისაწვდომი“ ფარგლებში.

თავის პრეზენტაციაში მოსამართლე მესხიშვილმა ყურადღება განსაკუთრებით გაამახვილა საქართველოს ბავშვთა უფლებების კოდექსის მიხედვით ბავშვთა ფუნდამენტურ თავისუფლებებსა და უფლებებზე, მან ასევე მიმოიხილა არსებული სამართლებრივი მექანიზმები აღნიშნული უფლებების დასაცავად და მხარდასაჭერად.

მოსამართლე მესხიშვილმა ხაზი გაუსვა ბავშვების გამოხატვის მნიშვნელობას სასამართლო პროცესში და აღნიშნა, რომ ეს არ გულისხმობს ყველა საქმეში მათ პირდაპირ ჩართულობას, არამედ მათი ინტერესების ადეკვატურად წარმოჩენის უზრუნველყოფას, როგორც კანონიერი წარმომადგენლების, ასევე თავად ბავშვების მიერ.

ტრენინგის მსვლელობისას, პარალეგები ჩაერთნენ დისკუსიაში, რომელიც მოიცავდა ბავშვთა უფლებების სხვადასხვა ასპექტებს, მათ შორის ბავშვთა დისკრიმინაციის შემთხვევებს, ბავშვებს შორის თანასწორობის მნიშვნელობას, ბავშვის საუკეთესო ინტერესებს და ბავშვის მემკვიდრეობის უფლებას. ტრენინგის მსვლელობისას ასევე განიხილა ადამიანის უფლებათა ევროპული სასამართლოს (ECHR) საქმე, რომელიც ეხებოდა სიღარიბის გამო ბავშვის ოჯახს დაშორებას.

ეს ინიციატივა შესაბამისი ცოდნითა და უნარებით აღჭურავს მომავალ პარალეგალებს და აძლევს შესაძლებლობას, უზრუნველყონ ხელმისაწვდომი იურიდიული დახმარება საკუთარ თემებში.