USAID  სამართლის უზენაესობის პროგრამა მნიშვნელოვნად მიიჩნევს სკოლის მოსწავლეებს შორის  სამართლებრივი ინფორმირებულობის, კრიტიკული აზროვნების უნარებისა და სამოქალაქო პასუხისმგებლობის განვითარებას. იმიტირებულ სასამართლო პროცესებში აქტიური ჩართვით, მოსწავლეებს შეუძლიათ განავითარონ ეს თვისებები და  გაიუმჯობესონ სამართლებრივი სისტემის, ასევე, უფლებებისა და მოვალეობების უკეთ გაგება და შეფასება. შესაბამისად პროგრამა მხარს უჭერს იურიდიული დახმარების სამსახურის (LAS) მიერ იმიტირებული სასამართლო პროცესების ჩატარების ინიციატივას მთელი საქართველოს მასშტაბით

ცოტა ხნის წინ, მაღალმთიანი აჭარის ქედის საჯარო სკოლის საშუალო სკოლის მოსწავლეებს,  საშუალება  მიეცათ  მოერგოთ სპეციალური მსაჯულების როლი ქედის მაგისტრატ  სასამართლოში გამართულ იმიტირებულ სასამართლო პროცესზე. სასამართლო პროცესი ფოკუსირებული იყო განქორწინების დროს  ბავშვის საუკეთესო ინტერესის განსაზღვრაზე.

USAID სამართლის უზენაესობის პროგრამის ხელმძღვანელმა გიორგი ჩხეიძემ სტუდენტებთან საუბრის დროს ყურადღება გაამახვილა  საკუთარი უფლებების ცოდნის მნიშვნელობაზე. მან აღნიშნა, რომ  უფლებების გააზრება ახალგაზრდებს დაეხმარება საკუთარი  და სხვისი უფლებების დაცვაში, მათ შორის  ძალადობის და სამართლებრივი  გადაცდომის დროს. გიორგი ჩხეიძემ ასევე ხაზგასმით აღნიშნა, რომ საკუთარი უფლებების ცოდნა საშუალებას აძლევს ინდივიდებს გამოხატონ თავიანთი აზრი და მიიღონ მონაწილეობა იმ გადაწყვეტილებების მიღების პროცესში, რომლებიც მათ ეხებათ, რაც უზრუნველყოფს სათანადო პროცესს და იცავს დისკრიმინაციისა და შევიწროებისგან.

იმიტირებულ სასამართლო პროცესს უძღვებოდა იურიდიული დახმარების სამსახურის (LAS)  დირექტორ დავით სიმონია, რომელმაც მსაჯულებს მისცა ინსტრუქცია  იმის თაობაზე, თუ რაზე უნდა გაემახვილებინათ ყურადღება ვერდიქტის გამოტანისას.  მსაჯულებს  დაურიგდათ შესაძლო განაჩენის/გადაწყვეტილებების ვერსიები.  

“იმიტირებული სასამართლო პროცესი მოეწყო  სამოქალაქო სამართლში, რამაც მომცა შესაძლებლობა  აღნიშნულ დარგში საკუთარი თავი  ადვოკატის ამპლუაში გამომეცადა. პროცესზე წარმოვადგენდი  არასრულწლოვნის დედას,  რომელიც გახლდათ მოსარჩელე მხარე და ყურადღება გავამახვილე   ბავშვის საუკეთესო ინტერესების დაცვაზე.   დღემდე   არაერთ სისხლის სამართლის იმიტირებულ სასამართლო პროცესში მიმიღია მონაწილეობა, თუმცა  სამოქალაქო სამართლის მიმართულებით ეს იყო ჩემი პირველი გამოცდილება.  იმიტირებულმა პროცესმა   შესაძლებლობა მომცა მკაფიოდ დამენახა მახასიათებლები, რომლებიც განასხვავებს ზემოაღნიშნული სამართლის  ორ დარგს. მიმაჩნია, რომ იმიტირებული სასამართლო პროცესი არის საუკეთესო შესაძლებლობა საკუთარი თეორიული ცოდნა და უნარ-ჩვევები პრაქტიკაში ასახო. ბუნებრივია, ამ კუთხით, არც ეს პროცესი გახლდათ გამონაკლისი.”-  ამბობს სტუდენტი-პარალეგალი ზურა გუჯაბიძე.

ღონისძიების შეჯამებისას  გიორგი ჩხეიძემ და დავით სიმონიამ  სერტიფიკატები გადასცეს მონაწილე მსაჯულებს. დღემდე, სამართლის  უზენაესობის პროგრამამ ორი იმიტირებული სასამართლო პროცესი მოაწყო ბათუმის საქალაქო სასამართლოში, რომელშიც მონაწილეობდნენ სტუდენტი- პარალეგალები. აღნიშნულ პროცესებს უძღვებოდნენ ქართველი და ამერიკელი მოსამართლეები. ეს ინიციატივები მიზნად ისახავს სტუდენტების ჩართვას პრაქტიკულ  სავარჯიშოებში და ხელი შეუწყოს კანონის უზენაესობისა და საზოგადოებაში მისი მნიშვნელობის გაგებას.