ბათუმის შოთა რუსთაველის სახელმწიფო უნივერსიტეტის (ბსუ) იურიდიული ფაკულტეტის 30 წლის იუბილესადმი მიძღვნილი ICON•S Georgia-ს საინაუგურაციო ყოველწლიური სამეცნიერო კონფერენცია თანამედროვე საჯარო სამართლის გამოწვევები ჩატარდა.

კონფერენციას მხარს უჭერდა ბსუ, USAID სამართლის უზენაესობის პროგრამა და აჭარის ავტონომიური რესპუბლიკის განათლების, კულტურისა და სპორტის სამინისტრო.

ორი დღის განმავლობაში კონფერენციამ უმასპინძლა 100-ზე მეტ მომხსენებელს ქართული და უცხოური უნივერსიტეტებიდან, რომლებმაც წარადგინეს მთელი რიგი საინტერესო თემები. გამორჩეული მონაწილეები იყვნენ USAID სამართლის უზენაესობის პროგრამის ორი საერთაშორისო ექსპერტი: პროფესორი ბრიჯიტ არიმონდი ნორსვესტერნის უნივერსიტეტიდან და პროფესორი რიჩარდ გრაიმსი ედინბურგის უნივერსიტეტიდან.

ბსუ-ს იურიდიული და სოციალურ მეცნიერებათა ფაკულტეტის დეკანმა, ლევან ჯაყელმა, მიმოიხილა ფაკულტეტის მიღწევები და გამოწვევები ბოლო ოცდაათი წლის განმავლობაში. მან მადლობა გადაუხადა ყველა პარტნიორს ფაკულტეტის განვითარებაში მუდმივი მხარდაჭერისთვის და ასევე მადლობის სიგელი გადასცა პროგრამას და აჭარის რეგიონის ადმინისტრაციულ ორგანოებს გაწეული დახმარებისთვის.

მისასალმებელ სიტყვაში, USAID სამართლის უზენაესობის პროგრამის ხელმძღვანელმა, გიორგი ჩხეიძემ, კიდევ ერთხელ დაადასტურა პროგრამის ლოიალურობა ბსუ-ს მხარდაჭერისთვის და მადლიერება გამოხატა ფაკულტეტთან ცამეტწლიანი თანამშრომლობისთვის. მან ხაზი გაუსვა, რომ იურიდიული განათლების გაძლიერება და აკადემიის მხარდაჭერა პროგრამის პრიორიტეტებს შორისაა. გიორგი ჩხეიძემ აღნიშნა ბსუ-ს მნიშვნელოვანი როლი ადამიანის უფლებათა დაცვის ხელშეწყობაში, სამართლებრივი ცნობიერების ამაღლებისა და მართლმსაჯულების ხელმისაწვდომობის ხელშეწყობაში როგორც რეგიონში, ისე მის ფარგლებს გარეთ. მან ამ ვალდებულების შესანიშნავ მაგალითად მოიყვანა კონფერენციის მრავალფეროვანი და შთამბეჭდავი დღის წესრიგი.

ორდღიანი კონფერენციის განმავლობაში, საქართველოსა და საზღვარგარეთის სხვადასხვა უნივერსიტეტის დელეგატებმა გამართეს აქტიური დისკუსია  სხვადასხვა თემებზე, მათ შორის ანტიდისკრიმინაციულ პოლიტიკასა და კანონმდებლობაზე, LGBTQI+ თემის უფლებებზე, გენდერულ თანასწორობასა და ქალთა უფლებებზე, განათლების უფლებზე, კლინიკური იურიდიული სწავლების მეთოდებზე, სასამართლო აქტივობებზე კონსტიტუციური კონტროლსა და სხვა უფლებებზე.

USAID სამართლის უზენაესობის პროგრამის მთავარმა მომხსენებელმა, აშშ-ში, ნორსვესტერნის სამართლის სკოლის პროფესორმა, ხაზი გაუსვა დემოკრატიის გამოწვევებს დღევანდელ ეპოქაში და მიმოიხილა შეერთებული შტატების 2020 წლის საპრეზიდენტო არჩევნების ირგვლივ არსებული მოვლენები, დემოკრატიის წინაშე ქვეყანაში არსებული საფრთხეების ხაზგასასმელად.

ICON•S Georgia, გლობალური აკადემიური ორგანიზაცია, რომელიც საქართველოში გასულ წელს დაარსდა, წარმოადგენს გამაერთიანებელ პლატფორმას საქართველოს სხვადასხვა უნივერსიტეტების, მათ შორის BSU-ს აკადემიური პერსონალისთვის. ორგანიზაციის მიზნებია საქართველოში საჯარო სამართლის განვითარებისა და კვლევითი საქმიანობის ხელშეწყობა, საერთაშორისო აკადემიური თანამშრომლობის გაძლიერება.