USAID სამართლის უზენაესობის პროგრამის მიერ ორგანიზებული საჯარო შეხვედრების სერიის ბოლო საზაფხულო ღონისძიებისთვის ბათუმში ახალგაზრდები კიდევ ერთხელ შეიკრიბნენ.

ღონისძიებაზე - სახელწოდებით: ადამიანი სისტემის წინააღმდეგ დისტოპიურ რომანებში, საუბარი შეეხო დისტოპიური ლიტერატურის საწყისებს, მასში თანამედროვე საკითხების ასახვასა და მის როლს როგორც - საზოგადოებისა და სახელმწიფოს შორის ურთიერთქმედების დინამიკაზე დაყრდნობილი გამაფრთხილებელ ნარატივს.

სულ 40-ზე მეტი (იურისტი, სტუდენტი, სამოქალაქო საზოგადოების წარმომადგენელი და უბრალო მოქალაქე) მონაწილე ჩაერთო დისტოპიური ნარატივების შესაბამისობასა და გავლენაზე მსჯელობაში.

შეხვედრის მთავარი სპიკერი იყო - გამომცემელი და მთარგმნელი მარიამ კორინთელი, ასევე ცნობილი, როგორც ინტელექტუალური თამაშის "რა? სად? როდის?"-ის ბროლის ბუს მფლობელი.

მარიამმა შეხვედრა იმ ცნობილ ლიტერატურულ ნაწარმოებებზე საუბრით გახსნა, რომლებიც ასახავს ტოტალიტარული რეჟიმების მიმართ ინდივიდების წინააღმდეგობას.  მან ყურადღება გაამახვილა ინდივიდების მდგრადობასა და მჩაგვრელ გარემოში ადამიანის უფლებების ადვოკატირების თემებზე. მან მაგალითები აიღო ისეთი საკულტო რომანებიდან, როგორიცაა ჯორჯ ორუელის "1984", მარგარეტ ეტვუდის "მოახლის ზღაპარი" და რეი ბრედბერის "451 ფარენჰეიტით ".

აღნიშნულ რომანებზე საუბრისას მარიამა აღწერა საზოგადოების სახე ავტორიტარული მმართველობისას, სადაც პიროვნების თავისუფლება იზღუდება. მან ხაზი გაუსვა რომანის გმირებს - უინსტონ სმიტს, ოფრედს და გაი მონტაგს - როგორც რეპრესიული სისტემის წინააღმდეგობის სიმბოლოებს და განმარტა, აღნიშნული ისტორიები საზოგადოებისთვის, უკონტროლო ძალაუფლების, სამოქალაქო თავისუფლებების ეროზიისა და ტოტალიტარიზმის არაჰუმანური ეფექტის წინააღმდეგ, გამაფრთხილებელი სიგნალია.

მომხსენებელმა აღნიშნა, რომ ყველა დისტოპიური მხატვრული ლიტერატურა არ სრულდება იმედისმომცემ ნოტაზე, მაგრამ მიუხედავად იმისა, თუ რა შედეგი დგება გმირისთვის, ამ პიროვნებების მიერ გადადგმული მცირე ნაბიჯებიც კი იწვევს საბოლოოდ მნიშვნელოვან შედეგებს. მან პარალელი გაავლო პლატონის მღვიმის ალეგორიასთან, რომელიც ხაზს უსვამს რეალობის შესახებ ყოველი ვარაუდის ეჭვქვეშ დაყენების მნიშვნელობას. სპიკერის რწმენით, ეს არის დამოუკიდებელი აზროვნების განვითარებისა და სტატუს კვოსთან ჭიდილისთვის ძლიერი გზა.

მონაწილეებში განსაკუთრებით დიდი ინტერესი გამოიწვია ორუელის „1984“-მა. შეხვედრისას მიმდინარე გლობალურ სიტუაციებთან რომანის გასაოცარი მსგავსება აღინიშნა. დისკუსიისას ყურადღება გამახვილდა რომანის თემებიზე, თვალთვალზე, პროპაგანდასა და განსხვავებული აზრის ჩახშობაზე, რომელიც დღევანდელ სამყაროში სულ უფრო და უფრო აქტუალური ხდება. აღნიშნიშნული კავშირების გამოვლენამ მონაწილეებს შორის ღრმა რეზონანსი გამოიწვია, მათ განსაზღვრეს პარალელები ორუელის დისტოპიურ ხედვასა და თანამედროვე გამოწვევებს შორის, კერძოდ ადამიანის თავისუფლებებისა და უფლებების მიმართ მთელ მსოფლიოში.

შეხვედრა მარიამ კორინთელმა მარგარეტ ეტვუდის ცნობილი ციტატით დაასრულა : "მე არ ვარ წინასწარმეტყველი. სამეცნიერო ფანტასტიკა აწმყოზე მოგვითხრობს", რაც ხაზს უსვამს დისტოპიური ლიტერატურის როლს, რომელიც  თანამედროვე საზოგადოების გამოწვევებსა და პოლიტიკური კლიმატის ჰფენს ნათლს.