2024 წლის 20 დეკემბერს, USAID სამართლის უზენაესობის პროგრამამ, იურიდიული დახმარების სამსახურთან (LAS) პარტნიორობით, გამართა ტრენინგი სამცხე-ჯავახეთის რეგიონის 15 სტუდენტი-პარალეგალისთვის ადამიანის უფლებათა სამართლისა და პრაქტიკის ძირითად საკითხებზე. ღონისძიების ახალციხის სამართლის უზენაესობის ჰაბის ფარგლებში ჩატარება - აღნიშნავდა პროგრამის ,გავხადოთ მართლმსაჯულება ხელმისაწვდომი ყველასთვის – პარალეგალების ინიციატივის რეგიონში დაწყებას . ეს ინიციატივა უკვე წარმატებით განხორციელდა აჭარისა და იმერეთის რეგიონებში ( 2022 წლიდან პროგრამის ბათუმისა და ქუთაისის სამართლის უზენაესობის ჰაბების მეშვეობით).

ტრენინგს ადამიანის უფლებათა ექსპერტი გიორგი ბურჯანაძე გაუძღვა. მან ხაზგასმით აღნიშნა, რომ საქართველოს ევროკავშირში ინტეგრაციის პროცესის დასახმარებლად აუცილებელია ადამიანის უფლებების პრაქტიკის ევროპულ სტანდარტებთან შესაბამისობა. მისი პრეზენტაცია მოიცავდა ისეთ საკითხებს, როგორიცაა: ადამიანის უფლებების ისტორია საქართველოში და მათი ასახვა კონსტიტუციაში; ადამიანის უფლებათა კლასიფიკაცია; ამ უფლებების დაცვის სამართლებრივი მექანიზმები; ძირითადი უფლებები, როგორიცაა სიცოცხლის უფლება, წამების და დისკრიმინაციის აკრძალვა; გამოხატვისა და ინფორმაციის თავისუფლება; საქართველოს საკონსტიტუციო სასამართლოსა და ადამიანის უფლებათა ევროპული სასამართლოს როლები.

პარალეგალების ინიციატივის ძირითადი მიზანია ადგილობრივ თემებში სამართლებრივი ცნობიერების ამაღლება და მართლმსაჯულებაზე თანაბარი წვდომის უზრუნველყოფა ყველა პირისთვის. პროგრამა, იურიდიული ფაკულტეტის სტუდენტების საჭირო სამართლებრივი ცოდნითა და უნარებით აღჭურვის გზით, მათ შესაძლებლობას აძლევს, თემებთან შეხვედრებისას გაავრცელონ სამართლებრივი ინფორმაცია. ეს მოიცავს ადამიანის უფლებებზე, სახელმწიფო და არასახელმწიფო სამართლებრივი დახმარების სერვისებზე და მართლმსაჯულებაზე წვდომის სხვა ინსტრუმენტებზე ცნობების გაზიარებას.

პარალეგალების ინიციატივამ თავისი დაარსების დღიდან მნიშვნელოვან პროგრესს მიაღწია. სტუდენტი-პარალეგალები აქტიურად მონაწილეობენ საზოგადოების ცნობიერების ამაღლებაში, უკვე ჩატარებული აქვთ 31 თემთან შეხვედრა და 1,350-ზე მეტი პირი მიაწვდეს ინფორმაცია.