USAID სამართლის უზენაესობის პროგრამისა და თბილისში ა.შ.შ. საელჩოს ანტიკორუფციული და სამართალდამცავ ორგანოებთან ურთიერთობის ბიუროს (INL) ორგანიზებით მოეწყო ვებინარი ქართველი მოსამართლეების მონაწილეობით, რომლებიც ამავდროულად არიან ქალთა უფლებების პრაქტიკის ჯგუფის წევრები.

ღონისძიება გახსნეს პატრიცია უილდერმუტმა, INL-ის უფროსმა სასამართლო მრჩეველმა და რუსუდან ტაბატაძემ, სამართლის უზენაესობის პროგრამის მენეჯერმა USAID/კავკასიაში.

ვებინარის დროს თერთმეტმა ქართველმა მოსამართლემ, რომლებმაც ახლახანს მონაწილეობა მიიღეს ქალ მოსამართლეა საერთაშორისო კონფერენციაში (IAWJ) მაროკოში და ამერიკის ქალ მოსამართლეთა ეროვნულ ასოციაციის (NAWJ) კონფერენციაში, ინდიანაპოლისში, ერთმანეთს და კოლეგებს გაუზიარეს ამ კონფერენციებიდან მიღებული ცოდნა, თუ როგორ შთააგონა ისინი ამ გამოცდილებამ, რომ კიდევ უფრო გულმოდგინედ იმუშავონ ქალთა უფლებების დასაცავად.

ვებინარის ერთ სესიას თბილისის საქალაქო სასამართლოს მოსამართლე თამარ ჩიხლაძე მოდერატორობდა, რომლის ფარგლებშიც სხვა სამ მოსამართლესთან ერთად, ისაუბრეს აქტიური ქალი მოსამართლეების მნიშვნელობისა და იმ უნიკალური წვლილის შესახებ, რომელიც ქალი მოსამართლეებს შეუძლიათ შეიტანონ გენდერული თანასწორობის უზრუნველყოფაში, გენდერულ ძალადობის აღკვეთაში და საოჯახო დავების სამართლიანად განხილვაში.

შემდეგ სესიაზე დისკუსია გაფართოვდა, თბილისის სააპელაციო სასამართლოს ქალმა მოსამართლეებმა ისაუბრეს იმ ორმაგ სტანდარტებზე, რომლებსაც აწყდებიან პროფესიული საქმიანობისას, გამოწვევაზე იყვნენ აღიარებულნი, როგორც კომპეტენტური და მცოდნე, თანაბრად მათი მამაკაცი კოლეგებისა, და ამ ყველაფერთან გამკლავების ტექნიკებზე. ხაზგასმით აღინიშნა, თუ რამდენად მნიშვნელოვანია ამ საკითხებზე წუხილის ერთმანეთთან გაზიარება და სირთულეების ერთობლივად დაძლევა.

ყველა გამომსვლელმა მოსამართლემ გამოთქვა აღფრთოვანება იმის გამო, რაც მათ ნახეს და მოისმინეს კონფერენციებზე - შეხვდნენ შთამაგონებელ მომხსენებლებს და აღმოაჩინეს, რომ ქალი მოსამართლეები მსგავსი გამოწვევების წინაშე დგანან მთელ მსოფლიოში. მათ მტკიცედ მოუწოდეს თავიანთ კოლეგებს გამოიყენონ მომავალი შესაძლებლობები NAWJ-ისა და IAWJ-ის აქტივობებსა და კონფერენციებში მონაწილეობის მისაღებად.