2024 წლის 29 აპრილს, საქართველოს საკონსტიტუციო სასამართლოს მოსამართლეები ეწვიენ გრიგოლ რობაქიძის უნივერსიტეტს  და სამართლის სკოლის 100-ზე მეტ სტუდენტთან და პროფესორებთან ერთად იმსჯელეს საკონსტიტუციო სასამართლოს ორ გადაწყვეტილებაზე განათლების უფლებასთან დაკავშირებით.

უნივერსიტეტის რექტორმა, მამუკა თავხელიძემ შეხვედრის გახსნისას ისაუბრა ღია აკადემიური დისკუსიის მნიშვნელობაზე, აგრეთვე სასამართლოსთან და USAID-თან პარტნიორობაზე. ამის შემდეგ სიტყვა გადაეცა საკონსტიტუციო სასამართლოს თავმჯდომარეს, მერაბ ტურავას, რომელიც მიესალმა საზოგადოებას  და მოდერატორობა გასწია დისკუსიისა საკონსტიტუციო სასამართლოს კიდევ ორი მოსამართლის, მანანა კობახიძისა და ევა გოცირიძის მონაწილეობით.

მანანა კობახიძემ  #2/7/1528 და #2/3/1559გადაწყვეტილებებს ვრცელი პრეზენტაცია მიუძღვნა. ორივე საქმე განიხილეს კონსტიტუციის 27-ე მუხლის პირველ პუნქტთან მიმართებით და ორივე შემთხვევაში სადავო ნორმატიული შინაარსი არაკონსტიტუციურად გამოცხადდა. პირველ საქმეში სადავო ნორმებიგ გამორიცხავდა დისტანციურ საგანმანათლებლო პროგრამაში მონაწილეობით მიღებული უმაღლესი განათლების აღიარებას.  მეორე საქმეში,  სადავო ნორმა უკრძალავდა აბიტურიენტს უფლებას მოეთხოვა დამატებითი ტესტირების ჩატარება, მაშიცა კი თუ ისინი ვერ გამოცხადდებოდნენ ერთიან ეროვნულ გამოცდებზე ობიექტური მიზეზის გამო. საკონსტიტუციო სასამართლომ დაასკვნა რომ არც რესურსების დაზოგვის  და არც თანასწორად შეფასების ინტერესი ამართლებდა უმაღლესი განათლების და შესაბამისი სახელმწიფო დაფინანსების მიღების უფლებას, რასაც ითვალისწინებდა სადავო დებულება.

დამსწრეთა შეკითხვების პასუხად მოსამართლეებმა საინტერესო და ინფორმაციული განმარტებებ გააკეთეს საკონსტიტუციო სასამართლოში გადაწყვეტილების მიღების პროცესთან დაკავშრებით, მათ შორის თითოეულ საქმეში მოყვანილი არგუმენტებისა და შესაბამისი დარგის პროფესიონალებთან მსჯელობის შესახებ. USAID სამართლის უზენაესობის პროგრამა განაგრძობს საკონსტიტუციო სასამართლოს უახლეს გადაწყვეტილებებზე მსგავსი ღონისძიებების მხარდაჭერას.