14 მაისს, USAD სამართლის უზენაესობის პროგრამის მხარდაჭერით ამერიკელმა მოსამართლემ, პეგი ვოქერმა ჩაატარა ვებინარი ქართველი მოსამართლეებისა და სსიპ “სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოს” წარმომადგენლებისთვის.

ვებინარი მიეძღვნა მშობლის გაუცხოებისა და ბავშვისთვის გადასახდელი ალიმენტის საკითხებს. თბილისის, ქუთაისის, რუსთავის, ბათუმისა და სამტრედიის პირველი ინსტანციის სასამართლოების 12 მოსამართლე და ზრუნვის სააგენტოს 6 წარმომადგენელი ესწრებოდა შეხვედრას.

მონაწილეებისთვის განსაკუთრებით საინტერესო აღმოჩნდა მშობლის გაუცხოების საკითხი და მათ ამერიკელ მოსამართლესთან ერთად იმსჯელეს საჭირო რესურსებზე, გაუცხოებულ მშობელთან უერთიერთობის აღდგენის პროგრამებზე, მშობლებზე, რომლებიც უარს ამბობენ თანამშრომლობაზე ამ პროცესში, ბავშვის ასაკის გათვალისწინების საჭიროებაზე და მედიაციის შესაძლებლობებზე, რაც შეიძლება გამოყენებუი იქნეს ბავშვსა და მშობელს შორის გაუცხოების დასაძლევად.

მოსამართლე ვოქერმა  ვრცელი პრეზენტაცია წარმოადგინა, სადაც სხვა საკითხებთან ერთად მითითებულია ინტერნეტში არსებული რესურსები გაუცხოების საკითხზე. პრეზენტაციები ითარგმნა ქართულად და გაეგზავნათ შეხვედრის მონაწილეებს.

მოსამართლეებმა ერთობლივად აღნიშნეს ამ საკითხზე დისკუსიის გაგრძელების საჭიროება საკუთარ პრაქტიკაში გაუცხოების საწინააღმდეგო სტრატეგიების განსავითარებლად.