დემოკრატიის ვირტუალურმა აკადემიამ (VDA), USAID სამართლის უზენაესობის პროგრამის მხარდაჭერით, საქართველოს სხვადასხვა ქალაქში ვიდეო ჩვენებები გამართა. ღონისძიება მიზნად ისახავდა საზოგადოების ცნობიერების ამაღლებას სასამართლოს გადაწყვეტილებების პოზიტიური როლზე სამართლის უზენაესობისა და მოქალაქეთა უფლებების დაცვაში.

ვიდეო ჩვენების შემდეგ გამართულ დისკუსიებს უძღვებოდნენ საერთაშორისო სამართლის სპეციალისტი, თამარ ალექსიძე და VDA-ს ​​ხელმძღვანელი თინათინ ხიდაშელი. დისკუსიები შეეხო ისეთ თემებს, როგორიცაა სასამართლოს როლი კანონის უზენაესობის დაცვაში, სამართლიანი სასამართლოს უზრუნველყოფისა და საქართველოში დემოკრატიზაციის პროცესის ხელშეწყობაში. მონაწილეებმა ისაუბრეს სასამართლო სისტემის წინაშე მდგარი გამოწვევების შესახებ და ხაზი გაუსვეს სასამართლოს დამოუკიდებლობის მნიშვნელობას.

პირველი ჩვენება, შრომის უფლებების შესახებ, 11 ივნისს ბათუმში გაიმართა. მეორე ღონისძიებას, მოსამართლის განსხვავებული აზრის მნიშვნელობის შესახებ, 17 ივლისს ქუთაისმა უმასპინძლა. ვიდეოების შემდეგი ორი ჩვენება 18 და 20 სექტემბერს თელავსა და თბილისში გაიმართა.

ღონისძიებების დროს მონაწილეებმა ნახეს ორი მოკლემეტრაჟიანი ფილმი. პირველი ვიდეო შეეხებოდა აშშ-ს უზენაესი სასამართლოს მნიშვნელოვან საქმეს -- ბრაუნი განათლების საბჭოს წინააღმდეგ, რომელმაც სკოლებში რასობრივი სეგრეგაცია არაკონსტიტუციურად გამოაცხადა. აღნიშნული საქმე პრეცენტდენტულია არა მხოლოდ მისი ისტორიული მნიშვნელობის გამო, არამედ იმის საილუსტრაციოდ, თუ რა გავლენა შეიძლება ჰქონდეს სასამართლოს გადაწყვეტილებას სამოქალაქო უფლებების რეფორმაზე.

მეორე ფილმი შეეხო მოსამართლის განსხვავებული მოსაზრებების მნიშვნელობას საქართველოს მაგალითზე დაყრდნობით. ვიდეოში ასახულია ​​თუ როგორ შეიძლება განსხვავებულმა მოსაზრებებმა ხელი შეუწყოს საქრთველოში სამართლის უზენაესობისა და ინდივიდუალური უფლებების დაცვას.

შეხვედრებს სულ 69 ადამიანი დაესწრო, მათ შორის ადგილობრივი თემის და არასამთავრობო ორგანიზაციების წარმომადგენლები, იურისტები და მკვლევარები.