2024 წლის 19 ივლისს, თბილისის სახელმწიფო უნივერსიტეტმა (თსუ) USAID სამართლის უზენაესობის პროგრამის მხარდაჭერით მოაწყო საჯარო დისკუსია თემაზე „ევროკავშირის ძირითადი პრინციპები, ინსტიტუტები და სამართლებრივი ინსტრუმენტები“, რომელსაც ესწრებოდა თსუ-ს 20 სტუდენტი და აკადემიური პერსონალის წარმომადგენელი.

ღონისძიება გახსნა თსუ სამართლის სკოლის პროფესორმა ირინე ქურდაძემ და ისაუბრა იმაზე, თუ როგორ იქცა ადამიანის უფლებათა ევროპული კონვენცია ევროკავშირის კანონმდებლობით ადამიანის ფუნდამენტური უფლებების დაცვის სავალდებულო დოკუმენტად.

მოწვეულმა ლექტორმა თამთა ზაალიშვილმა წარმოადგინა ევროკავშირის ძირითადი პრინციპები და ინსტიტუტები, რომლებიც მოიცავს ევროკომისიას, ევროკავშირის პარლამენტს, ევროპული მართლმსაჯულების სასამართლოს და ევროპის ცენტრალურ ბანკს. მან ხაზი გაუსვა ამ ინსტიტუტების ზესახელმწიფოებრივ ბუნებას და განმარტა, თუ როგორ გავლენას ახდენს ეს სამართლის უზენაესობის წინსვლის მიმართულებით ევროკავშირის ძირითადი მიზნების მიღწევაზე.

თსუ-ს ასისტენტ პროფესორმა ნანა მჭედლიძემ განიხილა ევროპული სასამართლოს პრაქტიკა უნგრეთის უცხოელი აგენტების შესახებ კანონთან დაკავშირებით, რომელიც სასამართლოს მიერ მიჩნეულ ქნა ევროკავშირის კანონმდებლობასთან შეუსაბამოდ.

დასკვნითი მომხსენებელი იყო თსუ-ის მოწვეული ლექტორი პარამჯიტ ბერუალი, რომელმაც განმარტა განსხვავებები ევროკავშირის ისეთ საკანონმდებლო ინსტრუმენტებს შორის, როგორიცაა რეგულაციები, დირექტივები და გადაწყვეტილებები.

ქართულ კანონმდებლობასა და საზოგადოებაზე ევროკავშირთან ინტეგრაციის გავლენის შესწავლა არის ის საკითხი, რომლის შესწავლასაც ისახავს მიზნად პანელური დისკუსიების სერია, რომელსაც პროგრამა თსუ-სთან პარტნიორობით წარმართავს.

საკანონმდებლო ჩარჩოს ჩამოყალიბებაში ევროკავშირთან ინტეგრაციის მნიშვნელობის ჩვენებით, ეს დისკუსიები ხელს შეუწყობს სტუდენტებს შორის დემოკრატიული ღირებულებების გათავისებასა და ასევე სამართლის უზენაესობის  განმტკიცებას.