2023 წლის 14-15 მარტს, USAID სამართლის უზენაესობის პროგრამამ (პროგრამა) საზოგადოებაზე ორიენტირებული მართლმსაჯულებისა (PCJ) და საზოგადოებრივი ჩართულობის შესახებ ორი ლექცია გამართა ილიას სახელმწიფო უნივერსიტეტის (ილიაუნი) და გრიგოლ რობაქიძის უნივერსიტეტის (გრუნი) 120-ზე მეტი სტუდენტისა და აკადემიური პერსონალისისათვის.

დოქტორმა თიმ ბუნიევაცმა, პროგრამის საზოგადოებრივი ჩართულობის მრჩეველმა, წაიკითხა ზემოთხსენებული ლექციები და გამართა აქტიური დისკუსიები სტუდენტებთან. მან წარმოადგინა PCJ-ს შესახებ  არსებული პრინციპები და თეორიები და შესაძლო დიზაინის მიდგომები, ასევე მართლმსაჯულების სისტემის ადგილობრივ თემებთან ჩართულობის გაძლიერების სტრატეგიები. მან ასევე განიხილა განსხვავება ტრადიციულ და პრობლემის გადამჭრელ სასამართლოებს შორის, ისაუბრა სასამართლო-საზოგადოების ჩართულობის სასამართლო შენობის საზღვრებს მიღმა გაფართოების პოტენციურ გზებსა და მის მხარდასაჭერად სხვადასხვა გარე დაინტერესებული მხარეების ჩართვის შესაძლებლობებზე. დოქტორმა ბუნიევაცმა მოიყვანა სასამართლოსა და საზოგადოებას შორის ჩართულობის გლობალური პრაქტიკისა და ისეთი ინიციატივების მაგალითები, რომლებიც განაპირობებენ საზოგადოების გაზრდილ ნდობას სასამართლო სისტემის მიმართ.

ილიაუნის იურიდიული სკოლის დეკანმა გიორგი პაპუაშვილმა და გრუნი-ს რექტორმა მამუკა თავხელიძემ მონაწილეებისადმი მიმართვაში მადლობა გადაუხადეს USAID-ს და პროგრამას საქართველოსადმი მუდმივი მხარდაჭერისთვის და გამოთქვეს სურვილი, მეტი ერთობლივი აქტივობები ჩატარდეს უნივერსიტეტებისა და პროგრამის თანამშრომლობით.