აპილში, მაისსა და ივნისში სულხან-საბა ორბელიანის უნივერსიტეტმა (უნივერსიტეტი), USAID სამართლის უზენაესობის პროგრამის (პროგრამის) მხარდაჭერით, თბილისის #112 და #115, და ზუგდიდის #4 და #9 საჯარო სკოლების მე-7, მე-9, მე-10 და მე-11 კლასის მოსწავლეებისთვის იმიტირებული სასამართლო პროცესები მოაწყო.

სასამართლო პროცესები მოიცავდა ნასყიდობის ხელშეკრულებასთან დაკავშირებულ უფლებებსა და მოვალეობებს. პროცესი წარმოადგენდა ნამდვილი სასამართლო განხილვის სიმულაციას, რამაც გააუმჯობესა სტუდენტების სამართლებრივი მსჯელობა, კრიტიკული ანალიზი, არგუმენტირებისა და საჯარო გამოსვლის უნარები. დამატებით ამ აქტივობამ სკოლის მოსწავლეებში სამართლის სფეროს მიმართ დაინტერესება გააღვივა.

იმიტირებულ პროცესზე განხილული საქმე ეხებოდა ინციდენტს, რომელიც წყალდიდობის დროს მოხდა. საქმის ერთ-ერთი მთავარი სუბიექტი იყო გამოგონილი პიროვნება, სახელად გიორგი ლეონიძე, რომელიც ძმის - ირაკლის რჩევის საწინააღმდეგოდ, არ დაელოდა ქარიშხალის ჩადგომას და გვიან ღამით ძლიერ წვიმაში მანქანით სახლში წავიდა. რამდენიმე დღის შემდეგ გიორგი ვერეს ხეობაში დატბორილ მანქანაში უგონო მდგომარეობაში იპოვეს, რომელსაც ძვირადღირებული ოპერაცია დასჭირდა. გარდა ამისა, მის ავტომობილს, რომელიც მისი შემოსავლის მთავარი წყარო იყო, დაზიანება მიადგა.

იმიტირებული სასამართლო პროცესის დროს სტუდენტები განიხილავდნენ ისეთ საკითხებს, როგორიცაა პირადი ანგარიშვალდებულება, სახელმწიფოს როლი მოქალაქეების უსაფრთხოებაში და ზიანის ანაზღაურების მექანიზმები. დებატები ფოკუსირებული იყო პრევენციულ ზომებზე, როგორიცაა ამინდის საინფორმაციო სისტემების გაუმჯობესება, საგზაო უსაფრთხოების გაძლიერება და საგანგებო სიტუაციების მართვის მზადყოფნის გაძლიერება. სიმულაციურმა აქტივობამ მოსწავლეებისთვის გამოყო პლატფორმა სამართლებრივი დისკურსისთვის, რაც მოსწავლეებს უფრო ღრმა გაგებას იქმნის საზოგადოებრივი უსაფრთხოების პოლიტიკის შესახებ და აუმჯობესებს მონაწილეთა კრიტიკული აზროვნების და არგუმენტაციის უნარებს.

ლენა გოჯაევამ, პროცესის ერთ-ერთმა მონაწილე სტუდენტმა, აღნიშნა: „იმიტირებული სასამართლო პროცესების ჩატარებამ და არასრულწლოვანებთან ურთიერთობამ პიროვნულად და პროფესინალურად დიდი გამოცდილება შემმატა. მათი ენთუზიაზმის და კანონისადმი ახალი ინტერესის დანახვა მაძლევს მოტივაციას უფრო ხშირად მივიღო მონაწილეობა ასეთ აქტივობებში“.