USAID სამართლის უზენაესობის პროგრამამ, ქუთაისის სამართლის უზენაესობის ჰაბის ფარგლებში, სახელმწიფოს მიერ დაფინანსებულ იურიდიული დახმარების სამსახურთან (LAS) ერთად უმასპინძლა პანელურ დისკუსიას შშმ პირთა სასამართლო ხელმისაწვდომობის თაობაზე.

შშმ პირთა საერთაშორისო დღის აღსანიშნავად ორგანიზებულ ღონისძიებაში მონაწილეობდნენ სახელმწიფო ინსტიტუტების წარმომადგენლები, იურისტები, იურიდიული ფაკულტეტის სტუდენტები და სამოქალაქო საზოგადოების წარმომადგენლები, 50 მონაწილე იმერეთის რეგიონიდან.

USAID სამართლის უზენაესობის პროგრამის ხელმძღვანელის მოადგილემ, ჰერბ ბოუმენმა მისასალმებელ სიტყვაში აღნიშნა საქართველოს თითოეული მოქალაქისთვის სასამართლოზე წვდომის უფლების მნიშვნელობა. მან ხაზი გაუსვა სახელმწიფო ინსტიტუტების მნიშვნელოვან როლს სერვისების სათანადო ხელმისაწვდომობის უზრუნველსაყოფად და საზოგადოების პასუხისმგებლობას შშმ პირთა უფლებების შესახებ ცნობიერების ამაღლების მიმართულებით.

იურიდიული დახმარების სამსახურის დირექტორმა, დავით სიმონიამ და ხაზი გაუსვა სახელმწიფო ინსტიტუტების პასუხისმგებლობას მოწყვლადი ჯგუფებისთვის სათანადო ადაპტირებული გარემოს შექმნის თაობაზე. მან ხაზი გაუსვა სამსახურის ინიციატივებს მათი ბენეფიციარებისთვის იურიდიული სერვისების ხელმისაწვდომობის გაზრდის მიზნით.

იურიდიული დახმარების სამსახურის ზეტაფონის ბიუროს ხელმძღვანელმა, გელა ბერაძემ და ქუთაისის ბიუროს ხელმძღვანელმა, ესმა ნორაკიამ განმარტეს შშმ პირთა უფლებების დაცვის მნიშვნელობა და სამსახურის როლი ამ პროცესში. მათ აღნიშნეს, რომ გასული სამი წლის განმავლობაში სამსახურმა გასწია საკონსულტაციო და საადვოკატო მომსახურება დაახლოებით 16,000 საქმეზე საქართველოს მასშტაბით. მომხსენებლებმა აღნიშნეს, რომ სამსახურის მიერ შიდა სამოქმედო გეგმის მიღება, შშმ პირთა უფლებების შესახებ კანონის მოთხოვნების შესაბამისად, სხვადასხვა ვალდებულებებით, მათ შორის, იურიდიული დახმარების ხელმისაწვდომობისა და სასამართლოში წარმომადგენლობის გაფართოებას უზრუნველყოფს. სამსახურმა ასევე შექმნა ვებგვერდი (https://www.children.las.ge/) სრულად ადაპტირებული შშმ პირებისთვის.

საქართველოს ახალგაზრდა იურისტთა ასოციაციის ქუთაისის ფილიალის ხელმძღვანელმა, დარინე სალდაძემ სააღსრულებო და ადმინისტრაციული ორგანოების პროცედურებში არსებული გამოწვევები განიხილა. მან ხაზი გაუსვა მხარდამჭერის ინსტიტუტის დაბრკოლებებს და დაასახელა სასამართლო პრაქტიკაში არსებული საკითხები, სადაც შშმ პირთა უფლებები არაადეკვატურად არის დაცული და გადაწყვეტილებები არ არის სათანადო დასაბუთებული. დარინე სალდაძემ ასევე აღნიშნა, შშმ პირებთან დაკავშირებულ საქმეებში არსებული გამოწვევები, როგორც ადმინისტრაციულ, ისე სამართალდამცავ ორგანოებში. განსხვავებული ინტერპრეტაციები და მიდგომები შშმ პირთა უფლებებთან და საქმის განხილვასთან დაკავშირებით გამოვლინდა, როგორც ფაქტორები, რომლებიც ხელს უშლიდნენ შეზღუდული შესაძლებლობის მქონე პირებს თავიანთი უფლებების ეფექტურად დაცვაში.