2024 წლის 14 მარტს, USAID სამართლის უზენაესობის პროგრამის ხელშეწყობით, განათლების ხარისხის განვითარების ეროვნული ცენტრისა (NCEQE) და საქართველოს სხვადასხვა სამართლის სკოლების 35 წარმომადგენელთა შორის გაიმართა შეხვედრა, რათა განეხილათ სამართლის დარგობრივი მახასიათებელი, რაც სამართლის სკოლის პროგრამებისთვის ხარისხის საბაზისო მოთხოვნებსა და მათ განსახორციელებლად საჭირო მითითებებს განსაზღვრავს.

NCEQE-მ „დარგობრივი მახასიათებელი“ 2020 წელს სამართლის სკოლის კურსდამთავრებულების მინიმალური კომპეტენციების განსასაზღვრად მიიღო. თუმცა, გამოცდილებამ აჩვენა, რომ უნივერსიტეტის წარმომადგენლები და აკრედიტაციის ექსპერტები არაერთგვაროვნად განმარტავდნენ ზოგიერთი კრიტერიუმს, რამაც უკმაყოფილება გამოიწვია აკრედიტაციის ექსპერტებისა და პროცედურის მიმართ.

დარგობრივ მახასიათებელში გამოყენებული ტერმინების გარკვევისა და უნივერსიტეტების წარმომადგენლებისა და აკრედიტაციის ექსპერტების მიერ მათი ერთგვაროვანი გამოყენების ხელშეწყობის მიზნით, პროგრამამ დააფინანსა ადგილობრივი ექსპერტი ლევან მოსახლიშვილი “სამართლის დარგობრივი მახასიათებლის” სახელმძღვანელოს შესაქმნელად.

14 მარტის შეხვედრაზე დაინტერესებულმა მხარეებმა განიხილეს როგორც სახელმძღვანელოში გაწერილი პრინციპები, ასევე თავად დარგობრივი მახასიათებლების განახლების აუცილებლობა.

ცენტრის დირექტორის მოვალეობის შემსრულებელმა ლაშა მარგიშვილმა აღნიშნა, რომ 2026 წელი ყველა იურიდიული პროგრამის აკრედიტაციის წელია და გამოთქვა მზადყოფნა და ღიაობა ჩაერთოს შემდგომ დისკუსიაში სამართლის დარგობრივი მახასიათებლის გადასახედად და აკრედიტაციის პროცესის გასაუმჯობესებლად.