29 ივლისიდან 2 აგვისტოს ჩათვლით, USAID სამართლის უზენაესობის პროგრამის და იურიდიული დახმარების სამსახურის ორგანიზებით ჩატარდა საზაფხულო ბანაკი სახელწოდებით „იურისტების მომავალი თაობის გაძლიერება.“ ღონისძიებამ ერთი კვირის განმავლობაში გააერთიანა 38 სტუდენტი-პარალეგალი აჭარიდან, იმერეთიდან და სამცხე-ჯავახეთიდან ცოდნის გაღრმავების, პიროვნული ზრდის და კომუნიკაციის გაზრდის მიზნით.  

ბანაკი დაიწყო ბავშვთა და არასრულწლოვანთა მართლმსაჯულების საქმეების მიმოხილვით. სპეციალურად მოწვეულმა მომხსენებლებმა, მათ შორის მოსამართლე რენატე ვინტერმა (ავსტრიელი მოსამართლე, სიერა-ლეონეს სპეციალურ სასამართლოში და ექსპერტი საოჯახო სამართლის, არასრულწლოვანთა მართლმსაჯულების სისტემების, ქალთა მართლმსაჯულებისა და ბავშვთა შრომის საკითხებზე) და ქეთევან მესხიშვილმა (თბილისის სააპელაციო სასამართლოს მოსამართლე), საფუძვლიანად მიმოიხილეს და იმსჯელეს სამართლის აღნიშნულ საკითხებზე.

ღონისძიებაში ასევე მონაწილეობდნენ საზოგადოებისთვის ცნობილი ადამიანები, როგორებიც არიან მწერლები დათო ტურაშვილი და სალომე ბენიძე, ჟურნალისტი დავით გორგილაძე, სახალხო დამცველის ყოფილი მოადგილე გიორგი ბურჯანაძე და არასამთავრობო ორგანიზაციიდან "საბჭოთა წარსულის კვლევის ლაბორატორიის" წარმომადგენელი ქეთევან ჩართოლანი. მომხსენებლებმა მონაწილეებს გაუზიარეს მნიშვნელოვანი ინფორმაცია ქალთა უფლებებზე, სიტყვის თავისუფლებაზე, შეკრების თავისუფლებაზე და სასამართლოს როლზე სამართლის უზენაესობის დამკვიდრებაში. სესიები აერთიანებდა თეორიულ ცოდნას პრაქტიკულ რჩევებთან ერთად, რაც ხელს უწყობდა მონაწილეების ცნობიერების გაღრმავებას მნიშვნელოვან საკითხებზე.

დისკუსიებმა, განსაკუთრებით ქეთევან ჩართოლანისა და სალომე ბენიძის ხელმძღვანელობით, მონაწილეებს გააცნო ცვლილებების მომტანი ქალების ისტორიები საქართველოდან. ამ დისკუსიებმა გამოკვეთეს შეკრების თავისუფლების მნიშვნელობა და სამოქალაქო აქტივიზმის გავლენა პოლიტიკის ფორმირების პროცესში – თემები, რომლებიც დღევანდელ საქართველოში ძალიან აქტუალურია.

ბანაკის ერთ-ერთი გამორჩეული ღონისძიება იყო სამაგიდო თამაშების (USAID სამართლის უზენაესობის პროგრამის მხარდაჭერით შექმნილი) კონკურსი, რომელიც იმერეთში დაფუძნებულმა სამოქალაქო საზოგადოების ორგანიზაციამ "ინფორმაციული დეველოპერული ჰაბმა" მოაწყო. ამ ფორმატის სწავლებამ მონაწილეებს საშუალებას მისცა გაცნობოდნენ ბავშვთა და ქალთა უფლებებს, რელიგიის თავისუფლების საკითხებს ინტერაქტიული სავარჯიშოს დახმარებით.

მონაწილეებმა აღნიშნეს, რომ იურიდიული განათლების მიღებასთან ერთად, ბანაკი ღირებული იყო 21-ე საუკუნის ისეთი უნარების განვითარებაში, როგორიცაა ემოციური ინტელექტი, სტრესის მართვა და ეფექტური კომუნიკაცია. ეს კომპეტენციები მნიშვნელოვანია სტუდენტი-პარალეგალების მომავალი წარმატებისთვის, როცა ისინი იურიდიულ კარიერაში წინ წავლენ. მათ ასევე აღნიშნეს, რომ სხვადასხვა რეგიონიდან თანატოლებთან დაკავშირება, გამოცდილების გაზიარება და გამოწვევებზე საუბარი, მათთვის მნიშვნელოვანი ცოდნა და ახალი კავშირების ჩამოყალიბების შესაძლებლობა გახდა.